Accessibility links

җомга, 2 декабрь 2016, Казан вакыты 21:10

Bağdadta intihar höcüm näticäsendä kimendä 13 keşe häläq bulğan


Bügen Bağdadta bulğan intihar höcüm näticäsendä kimendä 13 keşe häläq bulğan, 50dän artığı yaralanğan. Şartlatqıç tutırılğan maşina şiğilärneñ İslam inqilabı Yuğarı Şurası dip atalğan firqäseneñ baş-fatirı yanında şartlatılğan. Firqäneñ räise Äbdel Aziz Äl-Xäkim, bu - mine üterü tırışlığı, dip belderde, häm höcümne oyıştıruda sönni ğisyançılarnı ğäyepläde. Äl-Xäkim – kiläse ayda ütäçäk sayalawlarda şiğilärneñ Berläşkän Alyans namzäte bulıp tora.

Bügen Sönnilärneñ töp firqäse, Ğiraqnıñ İslam Partiäse, saylawlarda qatnaşmayaçağın belderde. Partiä citäkçese Tariq Äl-Xaşimi bu adımnı bolay añlattı:

Audio (Tariq Äl-Xaşimi): "Bügen partiä awır qarar qabul itte, saylawlardan çigenü qararın. Çönki küräbez, tawış birügä qalğan waqıt eçendä ildäge wazğiät saylawlar ütkärerlek däräcädä yaxşırmayaçaq."

Berük waqıtta bu firqä başqa partiälärne saylawlarğa baykot belderergä çaqırmıy. Ğiraqta saylawlar Ğinwarnıñ 30-na bilgelängän.

XS
SM
MD
LG