Accessibility links

якшәмбе, 11 декабрь 2016, Казан вакыты 13:10

Üzbäkstanda parlament saylawları xalıqara taläplärgä turı kilmägän


Yevropada İminlek häm Xezmättäşlek oyışması yäkşämbedä Üzbäkstanda ütkän parlament saylawları xalıqara taläplärgä turı kilmäde dip belderde. Oyışmanıñ wäkile Lubomir Kopaj, Azatlıqqa bolay dide:

Audio (Lubomir Kopaj): "Qızğanıçqa qarşı, saylawlar xalıqara taläplärgä turı kilmäde. Ükeneçkä qarşı, räsmilär küp-fikerle, ütä-kürenmäle, yarış räweşle saylawlar ütkärä almadı."

Üzbäkstannıñ Olı Mäclesendä 120 urın öçen köräşkän 5 partiäneñ barısı da prezident İslam Kärimov taraflı. Oppozitsiädäge 3 töp partiä saylawlardan çitlätelde. Yevropada İminlek häm Xezmättäşlek oyışması, keşe xoquqların yaqlaw törkemnäre bu saylawlarğa tänqit belderde. BDB illäreneñ küzätü törkeme başlığı Vladimir Ruşailo isä Üzbäkstan saylawların "qanuni, irekle häm ütä-kürenmäle" dip atadı. Saylaw näticäläre soñraq kötelä.

XS
SM
MD
LG