Accessibility links

якшәмбе, 4 декабрь 2016, Казан вакыты 05:04

Yaña Yıl bäyrämenä äzerlek däwam itä


Bäyräm tabını, unar kön bäyräm itü öçen azıq-tölek tuplaw mäşäqäte belän mäş kilä. Xalıqqa eşne ciñeläytü öçen başqalada bäyräm yärminkäläre bulıp ütte. Ul 20 urında oyıştırıldı. Rayonnardan azıq-tölek belän 650gä yaqın maşína kilgän ide. Yärminkädä xalıq barlığı 400 tonnı it alğan. Şularnıñ 210nı síır ite bulsa, 150 tonnısı duñğız ite. Şulay uq bik küp distälärçä yäşelçä satılğan. Yärminkädä satılğan bal ğına da 6 tonnıdan artıq.

Başqala mäydannarın bizäw eşläre däwam itä. Küzgä kürenep boz şähärçekläre qalqa. Läkin ul şähärçeklärneñ tar-mar bulu qurqınıçı bar.Nindider wandallar tarafınnan tügel, ä tabiğät tarafınnan. Eş şunda, könnär cılıtıp cibärde. Yaqın könnärdä xätta yañğır yawu ixtimallı barlığın xäbär itälär. Bolay bulsa, bala-çağağa boz tawlarınnan şuu urınına köymä yözderep uynarğa turı kilmägäye.

XS
SM
MD
LG