Accessibility links

пәнҗешәмбе, 8 декабрь 2016, Казан вакыты 03:12

Tatarstan Yuğarı mäxkämäse latin grafikasın torğızu turındağı qanunnı köçennän çığardı


Tatarstan Yuğarı mäxkämäse «Latin imlası nigezendä tatar yazuın torğızu turındağı qanun» Rusiä zakonnarına qarşı kilä häm köçennän çığarıla digän qarar çığardı. 2004 yılnıñ 24 dekaberendä Tatarstan qanunnarın Rusiänekenä täñgälläşterep beterü öçen birelgän waqıt tämamlandı, dip xäbär itte «İntertat» agentlığı. Başqa qanunnar inde küptän üzgärtep beterelde yäki ğämäldän çığarıldı. Latin grafikasın torğızu turındağı qanunnı täñgälläşterü eşe, zakonnıñ Konstitutsion mäxkämädä tikşerelgängä kürä, kiçekterelep tora ide. 2004 yılnıñ noyäberendä Konstitutsion Mäxkämä kiril xäreflären belän genä qullanırğa quşa torğan mäğlüm federal qanunnı Rusiä konstitutsiäsenä qarşı kilmi, dip qarar çığardı. Näticädä, latin imlasına qaytu turındağı qanunnı täñgälläşterüdän qotqaruçı çaralar qalmadı. 28 dekaber qararı belän Yuğarı mäxkämä xökemdarı Tatarstan prokurorı Kafil Amirov şikäyäten qarap, latinğa qaytu turındağı qanunnı köçennän çığardı.

Bikä Timerova

.

XS
SM
MD
LG