Accessibility links

дүшәмбе, 5 декабрь 2016, Казан вакыты 13:44

Udmurtiä başqalası İjaw şähärendä "Miras" balalar oyışması barlıqqa kilde


Azatlıq radiosın daimi tıñlawçılar xätärlider, berniçä atna elek Udmurtiä başqalası İjaw şähäreneñ 97 sanlı mäktäbendä milli üzäk tözelep, anda küp kenä milli büleklär buldıru turında süz barğan ide. Berençelärdän bulıp mäktäptä udmurt milli üzäge oyıştı. Udmurt oyışmasın balalarğa täqdim itü kiçäsendä tatar telen, mädäniäten öyränü buyınça da eş başladıq dip beldergännär ide. Qısqa ğına waqıt eçendä balalar, uqıtuçılar häm äti-änilär, xättä äbilär dä tatar tügärägeneñ eşen bergäläp cayğa salğannar. Yaña yıl aldınnan mäktäptä «Miras» tatar milli üzägen açuğa bağışlanğan bik matur kiçä bulıp uzdı. Mäktäptä tatar tele tügärägen citäkläp, eşne başlap cibärgän ana tele uqıtuçısı Aliä Mönir qızı Zinatullina älege oyışmanıñ maqsatın çığışında bolay bilgeläde. (audio) Bäyrämgä Udmurtiäneñ tatar ictimaği üzägeneñ maqtawlı Prezidentı Mäsgut Garatuev häm oyışmanıñ bügenge citäkçese Fnyun Mirzayanov ta kilgännär ide. Balalar arasında inde xäzer ük matur söyläşüçelär bar. (audio) Mäktäp citäkçelärennän kiläçäktä tatar sıynıfı açarğa niätläre turında qızıqsındım. (audio) "Balalar citärlek külämdä tuplansa, bu mömkin",- dip belderde direktornıñ yärdämçese Oksana İvanova. Äti-änilär arasında älegä berdäm fiker yuq. Küpläre ana telen öyrätüdä yärdäm itärgä äzer, ämmä älegä tatar sıynıfı açılıp, anda uqıtu alıp barıluına ışanıçları zur tuğel. Respublikanıñ mäğärif ministıyrlıygınnan belgeç Älfiä Ğaysinanıñ çığışı bu qaraşlarnı uñay yaqqa yunälter dip ışanası kilä. Tağın şunı da östäp äytergä kiräk,bu mäktäptän yıraq tügel ber balalar baqçasında tatar häm qatnaş ğailälärendä üskän balalarnı ber törkemgä cıyıp, telne üzläşterä başladılar. Dimäk, mäktäpneñ berençe sıynıfına äzerlekle balalar kiler.

Xämidä Ğayfullina, Udmurtiä

XS
SM
MD
LG