Accessibility links

пәнҗешәмбе, 8 декабрь 2016, Казан вакыты 10:58

Ukraina: Yanukoviç prezident saylawlarında ciñelüen tanımıy saylaw näticälären ğämäldän çığaru taläbe belän mäxkamägä möräcäğät itärgä cıyına


Inde xäbär itelgänçä, Ukrainada yañadan ütkärelgän prezident saylawlarında oppozitsiä citäkçese Viktor Yuşçenko 52 protsent tawış cıyıp ciñep çıqtı. Anıñ köndäşe, premyer-ministr Viktor Yanukoviç 44 protsent cıyğan. Ämma Yanukoviç ciñelüen tanımıy häm saylaw näticälären ğämäldän çığarunı sorap mäxkamägä möräcäğät itü belän yanıy.

Bu yulı saylawlarda Yuşçenko ciñep çıqsa da Ukraina yaña prezidentlı buldı dip äytergä äle irtäräk. Premyer ministr Yanukoviç ciñelüen tanımıy häm ul mäxkamägä möräcäğät itsä bu eş äle tağın berniçä köngä suzılırğa mömkin. Yanukoviç öçen eşlägän säyäsi analitik Dmytro Ponamarçuk äytüençä, premyer-ministr üzeneñ ğäyepläwlären bu saylawlar aldınnan ğına saylaw qanunına bäxäsle tözätmälär kertelügä nigezli. Bu tözätmä öydä tawış birüne tıydı. saylawlarnıñ 21-nçe ğinwarda ütkän ikençe turında oppozitsiä küpsanlı xärämläşülärneñ näq menä öylärdä tawış cıyıp yörü yardämendä buluına zarlanğan ide. Ul çaqta Yanuloviç ciñep çıqtı, ämma Yuğarı Mäxkamä küpsanlı xärämläşülär buluın tanıp ul saylaw näticälären ğämäldän çığardı. Bu yäkşämedä bulğan saylawlar aldınnan Konstitutsion mäxkamä öydä tawış birüne tıyuçı qanunğa qarşı çığıp, mömkinlekläre çiklängännärgä öydä tawış birü röxsät itelergä tieş dip belderde. Yanukoviç törkeme xäzer Üzäk saylaw komissiäsen ul taläpne ütämäwdä ğäyepli. Ponamarçuk monıñ näticäsendä Yanukoviç 3 million tawış yuğalttı di.

AUDİO: Bez 3 million tawış turında süz alıp barabız. Çönki keşe xoquqları ombudsmanı Nina Korpaçova 3nçe round saylawlar aldınnan qanunğa tözätmälär kertelgännän soñ bu tözätmälär 4 yarım million keşeneñ saylawlarda tawış birü urınnarına kilmiçä genä qatnaşu xoquqın bozdı dip äytte. Barı tik berençe gruppa invalidlarğa ğına öydä tawış birü mömkinlege tudırıldı. 2-nçe häm 3-nçe gruppadağı 3 millionlap keşegä öylärendä tawış birü röxsät itelmäde.

Bu saylawlarnı 12 meñnän artıq xalıqara küzätüçe qarap bardı. Häm alar saylarnı ğämäldän çığarırday zur qanu bozular bulmadı di. Yuşçenko wäkile ul ğömümän alğanda irekle häm ğädel saylawlar aşa ciñde dip mäxkamädä monı raslarğa äzer buluları turında belderde.

Saylaw komissiäse räise Yaroslav Davıdoviç Yanukoviçnıñ şikayätenä ällä ni ise kitmäwe turında äytä.

AUDİO: Bu närsälärne qarawçı xäkimnär ber töp sorawğa cawap birergä tieş. Saylaw näticäsenä berär närsä tä''sir itteme? Mäxkamä bu mäs''älägä şul yaqtan qarıyaçaq.

Ponamarçuk isä Yanukoviç bik qatı köräşergä cıyına di. 2339

AUDİO: Yanukoviç törkemeneñ şulay citdi kereşüe alarnıñ bu frontta xoquqıy suğış başlarğa teläwen kürsätä. Min sezgä anda bik quätle köçlärneñ cıyıluın äytä alam. Anda qayber bik belemle yuristlar eşli. Şunısına şiklänmägez, alar bu mäs''älägä bik täwäkkäl räweştä alınırğa cıyına.

Yankoviç kiräk bulsa bu mäs''äläne Yuğarı mäxkamägä kütäräçägen äytkän ide.

AUDİO: Üzäk Saylaw Komissiäse saylaw turında täğäyen xisabın iğlan itkännän soñ Yanukoviçnıñ yuristları bu mäs''äläne Yuğarı Mäxkamägä tapşıra ala. Ägär apelyatsion mäxkamä kire qaqsa alar Yuğarı Mäxkamägä xäzer dä möräcäğät itä ala.

Üzäk saylaw komissiäse şikayätlärne ike kön eçendä qarıyaçağın belderde. Yuğarı Mäxkamägä möräcäğät itü möräcäğät itü öçen 7 kön waqıt birelä.

Naif Aqmal, Praga.
XS
SM
MD
LG