Accessibility links

пәнҗешәмбе, 8 декабрь 2016, Казан вакыты 23:21

Könyaq Aziädä sunami häläkätendä qorbannar sanı 50 meñnän arttı


Jakarta -- Yäkämbedä Hind Okean illären teträtkän sunami häläkätendä qorbannar sanı 50 meñnän arttı. Bügen İndoneziäneñ Sälämätlek Ministrlığı bu ildä genä qorbannar sanı 27 meñnän artıq dip belderde. Şri Lanka räsmiläre 18 meñ keşeneñ häläk bulğanın rasladı. Hindstanda ülüçelär sanı 8 meñnän artıq. Başqa illärdä dä qorbannar sanı arta bara. Thailanda bu san meñ-yarımğa citte. Alarnıñ kübese çit il turistları dielä. Çit il keşelärenä aşığıç yärdäm üzäge başlığı İtti Dipbanjong xökümät bu keşelärgä yärdäm itü öçen qulınna kilgäne eşli dip belderde:

Audio (İtti Dipbanjong): "Xökümät wazğiätne cayğa salu öçen qulınnan kilgänen eşli. Xäzer bu anıñ töp wazifası - cäräxätlänüçelärgä, öylärenä qaytırğa teläwçelärgä yärdäm itü."

Ülüçelär şulay uq Thailand, Malayzia, Myanmar, Maldiv utrawları, Bangladeşta, Afrikanıñ Kenya, Somalia, Tanzania illärendä häm dä Seişel utrawlarında bar. Häläkät bulğan urınnarğa törle illärdän aşığıç yärdäm kiterelä. Berläşkän Millätlär oyışması bu häläkätne tarixta iñ zur tabiği qaza dip atadı.

XS
SM
MD
LG