Accessibility links

якшәмбе, 4 декабрь 2016, Казан вакыты 19:22

Ukrainanıñ üzäk saylaw komissiäse Yuçenkonı ciñüçe dip iğlan itte


Kiev -- Bügen Ukrainanıñ Üzäk saylaw komissiäse yäkşämbedä ütkän prezident saylawlarınıñ räsmi näticälären iğlan itte. Bu näticälärgä kürä ciñüne oppozitsiä namzäte Viktor Yuçenko yawlağan, ul tawışlarnıñ 51.99% cıyğan. Anıñ köndäşe premier-ministr Viktor Yanukoviç - 44.19%. Bu näticälärne äle Üzäk saylaw komissiäse maxsus utırışında raslarğa tieş. Ämmä Yuğarı Rada räise Volodymyr Lytvyn, 8% ayırma başqa tawış birülärneñ kiräk tügellegen kürsätä dip belderde. Xalıqara küzäçelär saylawlarnı demokratik dip tapqan, şuña kürä citdi şiqäyätlär bulmas, dide ul. Bügen Yevropa Şurası citäkçese Terry Davis bar taraflarnı da saylaw näticälären tanırğa, ilne bülenügä çaqırğan süzlärdän totılıp qalırğa çaqırdı. Yanukoviç älegä ciñelüen tanımıy häm mäxkämä aşa däğwa belderü belän yanıy. Bügen Rusiäneñ tışqı eşlär ministrlığı könbatış küzätüçeläreneñ "objektivlığına" şik belderde.

XS
SM
MD
LG