Accessibility links

сишәмбе, 6 декабрь 2016, Казан вакыты 22:59

Tönyaq Kavkazda yaña qorbannar


Bügen Rusiä prezidentı Vladimir Putin Çeçnä xökümäte räiseneñ berençe urınbasarı Ramzan Qadırovqa Rusiä qaharmanı isemenen birü turında qarar çığardı.

Ul arada bügen Çeçnäneñ Şatoy rayonında ike saper minada şartlap häläk bulğan. Kiçä Groznıyda Çeçnäneñ advokatlar kollegiäse äğzası Sulumbek İdagov urlanğan. Kollegiä räiäse mäglümätenä qarağanda, qorallanğan 5 keşe anıñ öyenä kilep, qimmätle äyberlär, aqçalar alğan, ä advokatnıñ üzen bilgesez yaqqa alıp kitkän.

Bügen irtän İnguşetiä başqalası Nazran yanında suğışçılar törkeme belän bulğan atışular näticäsendä ber militsiä xezmätkäre häläk bulğan, ikese yaralanğan. İnguşetiäneñ Eçke eşlär ministrlığı belderüençä, bäreleşlär, militsiä törkeme Surxari awılı yanında maxsus operatsiä ütkärgändä başlanıp kitkän. Ber suğışçı üterelgän, tağın berse qulğa alınğan dip xäbär itelä.

XS
SM
MD
LG