Accessibility links

шимбә, 3 декабрь 2016, Казан вакыты 16:52

Tatarstan turistları Thailandqa kitte


Bäyräm aldı könnäre buluğa qaramastan, Tatarstan xalqı säfärgä cıyına, qayberäwläre inde yulğa çıqtı da. Pänceşämbedä 64 tatarstanlı xac qılırğa kitte. Alar avtobuslarda Mäkkägä bara. Maqsatları 20 ğinwarğa izge cirlärgä barıp citü. Çönki 20 ğinwar qorban gayete köne. Mäkkägä xalıq xac qılırğa yul alsa, pänceşämbedä tağın ber törkem, 45 keşe Tailantqa , yaña yılnı qarşı alırğa oçtı. Tatarstan epidimilogları moña qarşı bulsalar da. Alar Pattaya häm Samui digän cirlärdä yal itäçäklär. İsegezgä töşeräbez, bu könnärdä, Könyaq Aziä töbäklärendä, şul isäptän Taylandta da tabiğät bälä-qazaları buldı. 1500 keşeneñ ğömeren alıp kitte, 9 meñ keşe cäräxätlär aldı, meñyarım keşe bilgesez yuğalğan isäplänä, bu faciğä bulğannan soñ. Tatarstannan da, faciğä barğan waqıtta yal itüçelär bar ide. Alarnıñ niçä keşe bulğanlığı mäğlüm tügel. Pxuket utrawında, ä monda şaqtıy keşe häläk buldı, bälä-qaza waqıtında un tatarstanlı bulğanlığı tögäl mäğlüm. Alarmın härberse isän-saw, şul xaqta alar Qazan belän elemtägä kergännär.

Bügen tatarstannıñ transport häm yul xucalığı ministrı Vladimir Şvetsov, alda torğan monetizatsiä, yäğni taşlamalarnı beterü turında, yaña yullar töze xaqında jurnalistlar belän oçraşu ütkärde. Älege oçraşu da, Vladimr Şvetsov, pensionerlar häm studentlarğa avtobuslarda yörü üçen taşlamalı yörü biletları satılaçaq dip iğlan itte. İsegezgä töşeräbez, monetizatsiä, yäğni taşlamalarnı beterü ğämälgä yaña yıldan kerä. Älegä qädär pensionerlar xökümät transportında buşqa yörilär ide. Respublikada, şulay itep, azmı-küpme taşlama mä’säläse xalıq öçen uñaylı xäl itärgä omtılış bar.

Qazannıñ berniçä eşquarı ğarizası arqasında, şähärneñ transport häm elemtä komissiäse räise Şamil Ğıylmanovka qarşı cinayät eşe quzğatılğan ide. Şunnan soñ ul eşennän mäcbüri kitte. Şamil Gıylmanov şähärdä yaña avtobus marşrutları açqanda wäqälätlären arttırıp cibärüdä, rişwätçelektä ğäyeplände. Qazanda yaña marşrutlar açılu tarixın, bolar xaqındağı şamil Gıylmanov boyırıqların tikşergäç, Tatarstan prokuraturasınıñ tikşerüçese Romanova, ğayeplänüçeneñ cinayät eşenä qatnaşı bulmağan dip taptı. Yäğni Şamil Gıylmanov ğayepsez dip tabıldı. Dälilsez kileş awır cinayättä ğayeplängännän soñ xoquqi yaqtan aqlanğan Gıylmanov xäzer sawlığın tözätä. Yañadan şähär xakimiätenä eşkä qaytuı turında mäğlümat yuq. Tik şunısı açıq , ul bügenge köndä räsmi räweştä eşennän alınmağan.

Räfis Cämdixan

XS
SM
MD
LG