Accessibility links

дүшәмбе, 5 декабрь 2016, Казан вакыты 11:36

Tsunami afätendä yuğalğan häm hälak bulğannar arasında BDB illäre watandaşları da bar


Könyaq Aziädäge cir teträwe häm tsunami häläqätendä qayber xalıqara oyışma farazlarına qarağanda häläk buluçılar sanı 100meñne ütep kitäçäk .Dönyanıñ törle illäre şulsanda BDB illärennän dä könyaq Aziägä turistlar yöri idi. Ülgän yäki yaralanğan meñnnärçä keşe arasında 50läp rus häm qazax turistı da bar

Çärşämbe könne Rusiä xökümäte oçqıçı berençe rus turistların kire kiterde. Berençe törkemdä qaytqan 21yäşlek Stanislaw Reuterğa kürgännären bolay dip añlattı (audio) Älbättä bik qurqınıç ide. Dulqınnıñ biyeklegen belmägän öçen mömkin bulğan qädär öskäräk barırğa tırştıq Rusiä turistlarına Sri Lanka başqalası Kolomboda Rusiä ilçelegendä aş su , kiyemnär birelgän.Alar tur operatorları bezne yalğız qaldırdı, yardäm itmäde dip şiqäyät beldergän.Tailandnıñ könyağında Puketta Mäkäsvle ber xatın häm anıñ 6yäşlek ulınıñ ülgän buluı mäğlüm.Atnakiçtä rus turistların evakuatsiläw öçen Tailandqa oçqıç cibärelgän. Bangkoktağı Rusiä ilçelege 600çaması rus isän imin dip beldersä dä 40lap rusnıñ yazmışı bilgele tügel Belarusta xakimiätlär häläkät bulğan çaqta töbäktä 24 watandaşı buluın belderde. Belarus eşmäqäre İhar makaloviç Tailandta bulğan tuğanınıñ tsunamidän qaçuın bolay dip añlattı (audio) Ul iptäşe belän räsämnär töşerü öçen qalqulıqlarğa kütärelgän bulğan. Şul anı qotqardı . Yäşägän qunaq yortı tämam cimerelgän. Alar arendağa moped alıp yulğa däwam itergä teläsä dä anısı da yuqqa çıqqan. Atna başlarında 75 qazax turıstı Tailandtan evakuatsiälände. Könyaq Tailandtan qaytqan Lada Li (audio) Bik qurqınıçlı ide , sular ikençe qatqa qädär kütärelde täräzälär watıldı,sular keşelärne alıp kitte. Qazaxstan tışqı eşlär ministırlığı belderüenä kürä, çärşämbedä 5qazax watandaşı şulsanda 2 bala Puketta xastaxänädä yata, 3 qazax äle dä yuğalğannar isemlegendä Hindistandağı Azerbaycan ilçese Tamerlan Karaev ul 17 azäri turistı turında optimistik qaraşta(audio) Bez alarnıñ yazmışı turında älegä naçar xabär almadıq. Ärmänstan tışqı eşlär ministırlığı süzçese Hamlet Gasparian (audio) Bez Yerevandağı Tai konsollığına şaltırattıq häm afättän elek ärmännärgä viza birelmägänen öyrändek .Hindistandağı ilçelegebez häläkät zonasında ärmännärneñ bulu bulmawın belmi . Ämma Mäskäwdä yöşäwçe ärmännärneñ bu illärgä säfärgä kitüe mömkin. Germaniä tışqı eşlär ministırı J.Fischerneñ ğasırnıñ häläqäte dip atağan bu tabiğat afäte, töbäktäge bik küp illärne aşsız häm in möhime çista susuz qaldırdı. Qotoçqıç sanitar şartlar qurqınıçlı çirlärneñ taraluına säbäp bula ala. Çit il xökümätläre watandaşlarına töbäkkä säyäxät itmäskä kiñäş birä,Yevropada säyäxät agentlıqları buşlay säfärlärne üzgärtä, başqa urınnarğa cibärä. Yäki telägännärgä aqçaların qaytarıp birä.Ämma BDB illäre turıstları aldan tülägän aqçaların yuğaltu qurqınıçı aldında tora Rusiädä säyäxät agentlıqları berläşmäse süzçese İrina Tyurina (audio) Yal urınnarındağı wazğiät yışqına televidiniädä kürsätelgänçä tügel . Çınbarlıqta utrawlarnıñ eçke öleşlärendä yaxşı qunaq yortları bar.Tabiplar , tışqı eşlär ministırlığı häm Federal Turızm Agentlığı töbäkkä säyäxät itmäskä digän kisätülär yasıy. Sri Lanka ilçelege, . Kolombä hava mäydanı Rusiädän oçqıçlar cibärmäkä sorıy . Puket turistlar kilmäsen dip ütenä.Ämma bez Pattaya häm Tailandnıñ başqa töbäklärenä keşelärneñ baruın tıya almıybız. Bu alarnıñ xoququ.Bezneñ çiklär açıq. Tyurina atnakiçtä Phuketqa charter oçqıçta ber genä urın da buş tügel, Maldiv utrawlarına älegä ber säfär dä tuqtatılmadı dip äytte. Kiçä Kamçatqadan 180turist Tailandqa yaña yıl yalına yul totqan . Germanie, Şwedsiädä bayraqlar yartığa töşerelgän , matäm könnäre . Şimbä könne Şwediä çirkäwlärendä könyaqta häläk buluçlar öçen ğıybadät qılınaçaq. Germaniä kanslerı Schöder xalıqnıñ yaña yılda feirwerklarğa birgän aqçanı yardäm oyışmalarına tapşırırğa ütende. färidä xämit
XS
SM
MD
LG