Accessibility links

шимбә, 3 декабрь 2016, Казан вакыты 01:36

Ukraina premyer ministrı Yanukoviçnıñ xakimiättä qalu ömetläre kimegännän kimi bara


Ukraina premyer ministrı Viktor Yanukoviç uzğan yäkşämbeä ütkän prezident saylawlarında ciñelüen tanımasa da anıñ xakimiättän qalu tırışlığı xäzer ömetsez kürenä. Pänçeşämbe könne Ukraina Yuğarı mäxkamäse anıñ oppozitsiä citäkçese Viktor Yuşçenkoğa ciñü kitergän saylaw näticälären ğämäldän çığaru turındağı ike möräcäğäten kire qaqtı. Yanukoviç mäxkamägä möräcäğätlären däwam itärgä cıyına, ämma analitiklar fikerençä ul inde xäzerdän ük üz kiläçägen oppozitsiädä kürä.

Premyer ministr Yanukoviçnıñ xakimiättä qalu ömetläre kimegännän kimi bara. Yäkşämbe könne 52 protsent tawış cıyğan Yuşçenkodan 8 protsentqa qalışsa da Yanukoviç çiñelüen tanırğa telämi. Çärşämbe könne matbuğat oçraşuında ul Yuşçenko törkeme qurqudan qaltırıy dide.

AUDİO: Bügen alar minem wazıyfamnan kitärgä tieşlenem turında beldergändä min alarğa bolay dip cawap biräm. Qanun bozuların däwam itsennär. Min prinsipial räweştä, eştän kitü turında ğariza yazmıyaçaqmın. Häm min alarnıñ mine töşerü öçen bügen nigä şulay basım yasawın beläm. Çönki tege çaqtağı kebek xäzer dä alar qurqudan qaltırıylar. Häm alar döres uylıy. Yaqın kiläçäktä bez äle üz süzebezne äytäçäkbez.

Ämma Küzätüçelär fikerençä, Ukraina Yuğarı mäxkamäseneñ bügenge qararı Yanukociçnıñ fazıyfasınnan kitüen häm oppozitsiägä küçüen tizläter kebek.

Çärşämbe könne Yanukoviçnıñ tuğan şähäre Donetskida cirle televideniegä Yuşçenkonıñ berektäşe Yulia Timoşenko bolay dide.

AUDİO: Yanukoviç säyäsättä dä, parlamentta da üz urının tabaçaq. Bälki ul iñ kiñ xoquqlarğa iä bulaçaq oppozitsiäne dä citäklär dip uylıym.

Yuğarı Mäxkamä Yanukoviçnıñ yäkşämbedäge saylawlar turındağı inde 3 şikayäten kire qaqtı yäki qarawdan baş tarttı. Ämma anıñ äle tağın ber şikayäte qala. Analitiklar anısı da uñışsızlıqqa duçar buçar bulır dip isäpli häm Yuşçenko Ukrainanıñ yaña prezidentı bulır dip nıqlı ışana.

Şul uq waqıtta alar Yanukoviçnıñ oppozitsiädäge kiläçäge dä ömetle dip sanıy. Alar äytüençä, ägär dä bu saylawlarda 13 millionğa yaqın tawış cıyğan Yanukoviç ul saylawçılarnı tuplıy alsa 2006-nçı yılda ütäçäk parlament saylawlarında ul töp säyäsi köç bularaq kütärelergä mömkin.

Ul saylawlar inde moñarçı ütkän parlament saylawlarınnan küpkä möhimräk bulaçaq. Çönki küptän tügel qabul itelgän konstitutsion üzgäreşlär prezident xakimiäten kimetü xisabına parlamentnıñ xakimiäten şaqtıy arttırdı. Ukrainadağı säyäsi küzätüçe Yan Maksimyuk Azatlıq radiosına bolay dide.

AUDİO: Ägär dä Yanukoviç 2006-nçı yıldağı saylawlarda ciñä ikän, xökümätne ul töziäçäk. Ul çaqta xakimiättä prezident Yuşçenko belän premyer Yanukoviç, yäki anıñ törkemendäge berär keşe bulaçaq, häm bu ciñel bulmağan bergälek xasil itäçäk. Min bu nizağqa başqa çişeleş kürmim.

Maksimyuk xäzer Ukrainada öç säyäsi üzäk barlıqqa kilä di. Berençese Yuşçenkonıñ Bezneñ Ukraina blogı. İkençese Yanukoviçnıñ Donetskiğa tayanuçı Regionnar partiäse. Bu partiä Ukrainanıñ kübräk rusça söyläşüçe könçığışında häm könyağında nıqlı yaqlawğa iä. Öçençe üzäk parlament räise Volodımır Litvin citäkçelegendäge İgençelär Partiäse.

Xäzergä Yuşçenko bolgınıñ yäki Yanukoviç partiäseneñ parlament saylawlarında zur küpçelekne alu mömkinlekläre turında bik äytep bulmıy. Parlamentnıñ kem qulında bulaçağı aldağı yılda kemneñ üz tarafdarların arttıruına bäyle bulaçaq.

Şul uq waqıtta Maksimyuk äytüençä, Ukrainanıñ mädäni häm regional çik belän bülenüe tege yaqnıñ da bu yaqnıñ da uñışqa ireşü mömkinleklären kimetä.

AUDİO: Minemçä, bu saylawlar Yanukoviç öçen tabiği oppozitsiä äzerläde. Ämma şunsı borçu uyata, şul uq waqıtta ul Ukrainanıñ yartısınıñ ğına citäkçese. Çönki Ukraina könçığış häm könbatış öleşlärgä, şul uq waqıtta rus häk ukrain nädäniäte öleşlärenä bülengän. Häm bu säyäsi qarşılıq näticäsendä ul büleneş tağın da köçäyergä mömkin.

Xäzergä isä Yanukoviç ta Yuşçenko da keçkenäräk partiälär belän yaña berektäşleklär tözergä tırışa. Keçkenä partiälär dä alarğa taba tartılaçaq. Çönki parlamentqa kerü öçen alarğa 3 protsentlı kirtäne ütü zarur bulaçaq.

Naif Aqmal, Praga.
XS
SM
MD
LG