Accessibility links

якшәмбе, 11 декабрь 2016, Казан вакыты 12:56

Şvetsiä şimbä könne matäm iğlan itte


Könyaq Aziädä sunami häläkätendä yözlägän, bälki meñlägän şved watandaşınıñ häläk bulu, xäbärsez yuğalu ixtimalı säbäple, şimbä kön Şvetsiädä matäm köne dip iğlan itelde. Bar il buylap däwlät bayraqları töşerelä, matäm çaraları ütäçäk. Şvetsiä Tışqı eşlär minsitrı Laila Freivalds bügen Thailandta bolay dide:

Audio (Laila Freivalds): "Bu hiçşiksez milli faciğä. Minemçä, Şvetsiädä här keşeneñ bu häläkät qorbannarı belän nindi dä bulsa bäyläneşe bar."

Bulğan mäglümätkä qarağanda, Hind Okean illärendä meñnän alıp 4-meñ-yarımğa qädär şved watandaşı yal itkän, şul isäptän 1400-e Thailanda. Älegä ni barı 6 qorbannıñ kem ikäne raslandı. Germaniä belän dä şul uq xäl. Germaniä kanslerı Gerhard Şröder ilebez şokqa äzer bulırğa tieş dip belderde. Älegä xäbärsez yuğalğannar arasında: meñgä yaqın alman, 350 Norvegiä, 200 Çexiä watandaşı häm küp kenä İtaliannar bar.

XS
SM
MD
LG