Rusiäneñ baş prokuror urınbasarı Nikolay Şepel süzlärençä, 4 ay elek Beslan mäktäben basıp alğan 31 höcümçeneñ 17seneñ kem ikäne açıqlanğan. Yaqın könçığıştan dip sanalğan ikesen açıqlawda yärdäm sorap İnterpolğa möräcäğät cibärelgän. Bu höcüm öçen cawaplılıqnı üz östenä alğan Şamil Basaev, suğışçılarnıñ ikese ğäräp digän ide. Sintäber başında 3 kön däwam itkän Beslan faciğäse qan qoyu belän tämamlandı. Näticädä 330dan artıq keşe häläk buldı, yartısı – balalar. Şepel süzlärençä, qorbannarnıñ barısınıñ da kem ikäne açıqlanğan. Rusiä räsmiläre Beslan mäktäbenä 32 bandit häcüm itkän dip belderä, şulatnıñ 31-e üterelgän, berse qulğa alınğan.
