Accessibility links

дүшәмбе, 5 декабрь 2016, Казан вакыты 19:46

Daniä Hind okeani taşqınında hälak buluçılarnı iskä alu yolasın başladı


Kobenhavn. Daniä bügen Hind okeanı taşqınında hälak bulğan qorbannarnı iskä alıp matäm könen iğlan itte. Qazada ülüçelär arasında Daniäneñ dä 7 watandaşı bar. Tağın 454 daniäledän älegä bernindi dä xäbär yuq, alar yuğalğan sanala. Bayraqlar yartılaş töşerelgän kileş uzğan çaralarda Daniäneñ premyer-ministrı Anders Fogh Rasmussen, xökümät ministrları, patşa ğailäse äğzaları qatnaşa. Qazağa tar bulğan Aziä däwlätlärendä Skandinaviä illärennän barlığı 5 meñläp keşe xäbärsez yuğalğan sanala. Şvetsiäneñ anda 59 watandaşı hälak bulğan, 3 meñ yarımınıñ yazmışı xaqında mäğlümat äle dä yuq. Germaniäneñ tışqı eşlär ministrlığı wäkile Klaus Scharioth süzlärenä qarğanda, qazada ülüçe germannar sanı 60-qa citkän, ämma bu meñnän artıqqa qädär üsä ala.

XS
SM
MD
LG