Accessibility links

җомга, 9 декабрь 2016, Казан вакыты 20:28

Quşma Ştatlar, Süriä Ğiraq mäs'äläsendä yaxşıra töşte, läkin bu citärlek tügel dip belderä


Dimäşq. Bügen Süriä başqalasına kilgän Richard Armitage, amerikan däwlät sekretareneñ urınbasarı, Ğiraq belän çiklären nığıtu häm alar aşa Ğiraqqa çit il radikallarınıñ ütep kerüenä kirtälär quyu ölkäsendä Süriä küpmeder eş başqardı, läkin ul tağın da kübräk eşlärgä tieş dip belderde. Şuşı süzlären ul Dimäşqtä Süriä prezidentı Başar äl-Asäd belän oçraşqannan soñ äytte. Armitage süzlärenä qarağanda, Süriä prezidentı Ğiraqta 30-nçe ğinwarda saylawlar ütkärüneñ häm anda Ğiraqtağı bar säyäsi köçlär qatnaşuınıñ möhimlege belän tulısınça kileşä. Söyläşülärdä Richard Armitage Süriä 14 meñläp ğäskären totqan Livan mäs'äläsen dä kütärgän häm Süriäne annan şul ğäskärlären çığaruğa, Livanda mayğa bilgelängän parlament saylawlarına tıqşınmasqa öndägän. Quşma Ştatlarnıñ däwlät sekretare urınbasarı Süriädän tış Ğiraq, Ürdün häm Törkiädä dä bulaçaq.

XS
SM
MD
LG