Accessibility links

якшәмбе, 4 декабрь 2016, Казан вакыты 21:40

Qıtayda xatın-qız dedektivlar xeläl cifätlärenä turılıqlı bulmağan ir-atnı ezli


Aziä illäre Yevropa belän çağıştırğanda äle yaqın yıllarğa qädär bötenläy başqa tormış alıp bara ide. Moña berençe urında kultura säbäp bulsa , ikençese älbättä tübän tormış standartı ide ..Ämma xällär sonğı distä yılda bötenläy üzgärep kitte, Aziä istiğmalçıları Yevropa, Amerika istiğmalçılarınnan qupşılıq mäsäläsendä dä, maturlıq eşendä dä artta qalmıy. Maturlıq digändä süz yasalma maturlıq , operatsiälär belän ireşelgän maturlıq turında bara. Bügenge xatın qızlar säxifäsendä başta Qıtayda xäläl cifätlärenä turılıqlı bulmağan irlärne ezlärbez, ä annan şuluq Qıtay häm Aziäneñ başqa illärendä plastik xirurgie turında söylärbez.

Kommunistik Qıtaynıñ industriäse çäçäk ata.. Baylar bayığannan bayı...Ä bay qıtaylar iske ğädätlärenä tizlektä qaytıp xatınnarı östenä söyärkälär dä ala başladı. Ämma mäşhür qıtay citäkçeläre äytmeşle kük gömbäzeneñ yartısın kütärgän qıtay xatın qızları irläreneñ yaña hobiläre belän kileşmi, moña qarşı köräşergä bulğan. Uramda qara küzlek kigän, binokel ,video kameralı xatın qızlar oçratsağız , alar turılıqlı bulmağan ir atnı ezläwçe Qıtaynıñ Şerlok Holmesları -berençe xatın qız dedektivları. Liu xanım ireneñ çittä nindider mönäsäbätäläre buluın sizä başlağaç ta Xatın qız xoquqların yaqlawçı, tikşerü üzägenä möräcäğät itkän. Ğadi itep äytkändä bu üzäk xatın qızlar ğına eşlägän dedektiv bürosı.Agentlıq Liu xanım mäsäläsen tikşerergä häm anıñ mäxkämädä qullana alaçaq foto räsem, yäki nindider dälil şaxit ezlärgä qarar birä. Liu xanım süzlärençä (audio) Mindä xäzer dälil bar. Dälil bulsa ayrılu öçen mäxkämägä möräcäğät itep bula.Ägär dä ul ğäyeben tanısa häm ğailägä qaytırğa riza bulsa min anı ğafu da itär idem. Ämma çınbarlıq şul ki ul kire qaytırğa telämi . Şunlıqtan min anı mäxkämägä biräçäkmem . Äytep kitkän xatın qızlar ğına eşläwçe dedektiv burosı ütkän yıl başlarında Çengdu şährendä açıldı Küptän tügel genä qabul itelgän qanunğa kürä , xatın ireneñ turılıqlı bulmawın mäxkämädä isbatlıy alsa xatınğa finans östenlege tanıla. Buroda 30xatın qız tikşerüçe eşli Alarnıñ kübese buronıñ eleke klientları, irläreneñ xıyanätenä duçar bulğan xatınnar. Älbättä bu xatın qız dedektivlar törle kurslar, künegülärdän ütkän. Niçek itep dälil tuplarğa, niçek itep küzlärgä häm älbättä qıynau, köç qullanu kebek xäl bula qalsa, üzenne saqlarğa. Ä Qıtayda andıylar bik küp. Dedektiv Zhan Reuter agentlığana (audio) xatın qız dedektiv bulu eşne qulaylaştıra. Sin ciñellek belän xalıq arasına kerep yuğala alasın.Xalıq xatın qıznı dedektiv,şımçı dip uylamıy, şunlıqtan bezgä eşbezne başqaru ciñelleräk. Tikşerenülär ğädättä xıyanätneñ dälilen tabu öçen yış qına otel bülmäse, arendağa alınğan yortlarğa yasalğan höcüm belän tämamlana. Agentlıq klientqa dälilne tapşıra. Şunnan soñ sorasalar ,ul aradaşçı bularaq yardäm itä yäki advokat tabıp birä .Ğomumän ayrılışı baylıq milekne ber tigez bülü qabul itelgän näticä bulıp tora. Qıtaydan kilgän xabärlärgä qarağanda , yaña bay eşmäqärlär borınğı traditsiäne canlandırıp , söyärkälär ala, alarnı yortlarğa urnaştırıp maşinalr satıp ala häm alarnıñ köndälek tormışın finansiäli . Agentlıq diretorı Zhang Guilan süzlärençä (audio) Bügenge cämğiättä öylängän ir atnıñ ikençe xatın( söyärkä) aluı kiñ cäyelä bara. Bez klientlarbıznıñ sorawına esasän tikşerenü ütkärep dälillär tababız.Bu sotsial totrıqlılıqqa yardäm itä.İr atnıñ söyärkälär alunı ğädät xälenä kiterüen tuqtatuda yardäm itä ala .Öylängän ir atqa basım çarası bulıp tora. Elek Qıtayda bay säwdägär yäki zur cir xucasınıñ xatını bu praktikanı däşmi qabul itergä tieş ide. Äyye şul Qıtay üzgärä bara. Xatın qız dedektivlar yañalıq bulsa, plastik (maturlıq)operatsiälär Qıtayda şulayuq Aziäneñ başqa illärendä yañalıq tügel millionnarça xatın qız şulayuq arta barğan sanda ir at küz, borınnarınıñ şäklen üzgärtä gäwdädäge artıq maylarnı suırtıp aldıra.Xättä dikäber urtalarında Pekingdä yasalma çibärlär bäygese ütte. Bäygegä qatnaşqan 22yäşlek Liu Xiaojing cines üzgärtkän operatsiä ütkärgän.Ul Reuter televidiäsenä min bäygedä ciñep çığaçağıma oşanam häm bälkim dä minem kebek uñışlı ir at tabarmım digän (audio) China Daily isemle basma yazuına qarağanda Qıtayda maturlıq operatsiäläre öçen yılına 2 milliard 400 million dollar aqça sarıf itelä. İldä ber million çaması kosmetik salonında 6million keşe eşli. Germaniäneñ ZDF TV kürsätkän dokumental programda küz ,borın iäk tözetülär kebek kosmetik operatsiälär genä tügel ä qıtay xatın qızınıñ ayaqların ozaytqan operatsiälär dä kürsätelde . Döresen genä äytkändä min söyäklärne sındıru häm şunnan soñ aylarça ayaqları timer qırşauda torğan azaplanıp yörergä öyrängän xatın qızlarnı tulısınça qararğa qıyulığım citmäde. Operatsiälär Yevropa bäyäläre belän çağıştırılğanda arzanraq 200 yevro belän meñ yevro arasında dip äyttelär. Xaqlar küpkä arzanraq bälkim dä yaqın kiläçäktä Qıtayğa maturlıq turizmı başlar . Bilgele älege waqıtta uñışqa ireşü öçen keşe yäş , matur sälämät musqıllı häm qoyaşta qarayğan bulırğa tieş. Sonğı yıllarda könbatışta keşelär fitness zallarında küp aqçalar tüläp ğazaplana.Rusiädä niçekter ämma könbatışta tärcümä itep äytkändä ''ker taqtası qorsağı '' modada yäğni keşeneñ qorsaq öleşe musqllı eleke zamandağı ker taqtası küreneşendä bulırğa tieş.Time jurnalı yazuına qarağanda Taiwanda ütkän yılda ber millionnan artıq plastik operatsiälär yasalğan.Könyaq Koreada här 10keşeneñ berse nindider maturlıq operatsiäse yasatqan. Xätta İran kebek konservativ ildä yılına in kimendä 50meñ keşe borın operatsiäse yasata ikän. Xatın qız ber xäl ä 15meñläp iranlı ir at ta borınnnarın tözätterä ikän Xirurglar bu eş öçen meñ dollar ala . Konservativ mullalar älegä bu turıda fikerlären bäyan itmäde. Eleke sovet respublikası Tadcikstanda iqtisadi tormış ällä ni maqtanırlıq bulmasa da anda da borınnı tözätü häm artıq maylarnı suırtıp alu tadcik xatınnarı arasında popular ikän. Düşämbedä meditsina uqığan häm kiläçäktä plastik xirurgiedä spetsialläşergä telägän 23 yäşlek student Gülşan Dcafarova bolay di(audio) Taciklar Tacisktandağı xirurglarğa ışanmıy.Alar operatsiä öçen çit ilgä bara. Min da çit ildä plastik hirurgie uqıp Tacikstanğa qaytırğa telim. Monda in zur problema xatın qıznıñ artıq simez buluı, alar yabırğa teli, borınnarın da tözätterä.Televidiäniädä, çit ildä maturrıraq keşelär kürä xalıq. Alar yaxşıraq xezmät urını ir tabu öçen dä operatsiä eşlätü belän qızıqsına . Aziäneñ küp kenä illärendä cines üzgärtkän awır opratsiälär yasala sonğı yıllarda. Ämma böten keşe plastik operatsiägä uñay qaramıy. Misal öçen pekinglı ber xanım (audio) Min moña qarşı. ägär dä matur bulıp tumağansın ikän matur bulırğa tırışma , Aqçannı aş-suğa qullan, Maturlıq töş xıyalları qayçaqta facigä belän dä tämamlana ala qıtayda istiğmalçını yaqlau basması yazuına qarağanda uñışsız kosmetik operatsiälär säbäple 200meñnän artıq cinayät protsesı başlatılğan färidä xämit
XS
SM
MD
LG