Accessibility links

сишәмбе, 6 декабрь 2016, Казан вакыты 21:05

Ğiraqta höcümnärdä 5 polisiä xezmätkäre hälak bulğan


Bağdadta Ğiraqnıñ waqıtlı premyer-ministrı İyad Allawi partiäseneñ başfatirı yanında intixar terrorçı maşinağa quyılğan bomba şartlattı, anda ike polisiä xezmätkäre ülde, kimendä 25 keşe yaralandı. Allawi üze ul tirädä bulmağan. Şulay uq Bağdadnıñ "yäşel zona" dip atalğan, xökümät häm amerikan ilçelege urnaşqan imin zonağa kereştä şartlaw bulğan. İlneñ tönyağındağı Balad şähärendä intixar höcümendä Ğiraq milli gvardiäneñ 6 xärbie hälak buldı. Mosul şähärendä şartlawda ber polisiä xezmätkäre hälak bulğan. Baiji şähärendä tikşerü noqtasında ike qorallanğan keşe ike polisiä wäkilen atıp ütergän. Ğiraq häm amerikan räsmiläre süzlärenä qarağanda bügenge höcümnär – 30 ğinwar ütäçäk saylawlar aldınnan ildä wazğiätne totrıqsızlandıru kampaniäseneñ ber öleşe.

XS
SM
MD
LG