Accessibility links

дүшәмбе, 5 декабрь 2016, Казан вакыты 21:40

Törkiä tışqı eşlär ministrı Abdulla Gül İzraeldä


Törkiä tışqı eşlär ministrı Abdulla Gül Yaqın Könçığış buylap 4 könlek säfärgä çıqtı. Anıñ berençe tuqtalışı – İzrael. İrtägä ul monda premyer-ministrı Ariel Şaron, tışqı eşlär ministrı Silvan Şalom häm prezident Moşe Katsav belän oçraşaçaq. Älege säfär – Yaqın Könçığışta tınıçlıq urnaştıru prosessınıñ ber öleşe. İzraeldän soñ Gül yulın Fälestin cirläre häm Yordanğa däwam itäçäk. İzrael köçläre 24 säğatlek xärbi çara waqıtında qorallanğan ber fälestinne atıp üterde. İzrael mäğlümatlärenä qarağanda, älege çaranıñ maqsatı – çik aşa fälestin yağınnan İzraelgä raketa höcümnären tuqtatu bulğan. Yäkşämbe könne könyaq İzraelneñ ber şähärenä 2 raketa atılğan, ber xatın-qız yaralanğan. Soñıraq Gaza belän çik buyında raketa ike ir keşene yaralağan. İzraelneñ xärbi çaraları waqıtında Gazada bulğan fälestin xakimiäte citäkçelegenä töp namzätlärneñ berse Mahmud Abbas, fälestin suğışçılarına teläktäşlek belderde, ämma raketa höcümnären täñqitläp çıqtı. Saylawlar kiläse yäkşämbe könne ütäçäk.

XS
SM
MD
LG