Accessibility links

дүшәмбе, 5 декабрь 2016, Казан вакыты 19:35

Bagdad wiläyäte gubernatorı üterelde


Bügen Ğıraq başqalasında Bagdad ölkäse gubernatorı Ali Radi al-Xaidari häm anıñ 6tän saqçısı üterelde.İslamçılarnıñ internet säxifäsendä Yordaniäle terrorçı Abu Musab al Zarqawi törkeme cinayät öçen cawaplılıqnı üz östenä alğan . İnsident 30nçe ğıynuar äçen bilgälängän saylawlarnı buldırmaw tırışlığı dip bäyälänä.

Ğıraq eçke eşlär ministırlığı räsmiläre belderüenä kürä Ali al Xaidarinıñ 3maşinadan torğan konvoyı Bagdadtnıñ Adil häm Hürriyä maxalleläre arasında barğanda alarğa ut açılğan. May ayında üterelgän Abdel Zahraa Othmannnan soñ al Xaidari üterelgän in yuğarı däräcädäge räsmi bulıp tora. Othman taratılğan Ğıraq İdarä şurası prezidentı ide.30nçe ğıynıuardan elek ğıysyançılarnıñ höcümnäre artıp kitte . Alar Ğıraq xökümäte räsmiläre, politsiä häm Ğıraq xärbilären hädäf itep ala. Çönki alar AQŞ citäkçelegendäge koalitsiä belän xezmättäşlek itüçelärgä , xıyanätçelär dip qarıy. Radiobıznıñ Ğıraq bülege analitğı Kathleen Ridolfo (audio) al Haidarinı üterügä ğıynuar saylawlarınnan elek artıp kitkän köç qullanu konteksında qaralırğa tieş.Kiçä Ğıraqnıñ törle urınnarında 4 şartlaw buldı.Ay azağına qädär bu xällär däwam itäçäk.Ğıysyançılar saylawçılarnı qurqıtırğa teli . Alar şulayuq saylawlarğa qatnaşuçı citäkçelär, säyäsätçelärgä dä bez här kemgä ireşä alabız digän kündermä cibärä Tailandta yöregän däwlät sekretarı C:Powell al Xaidarinıñ üterelü xabärenä şunduq(audio) Eleke rejim qaldıqları cinayätçelär, terrorçılar tağı ber märtäbä Ğıraqta saylawlar telämägänen kürsätte. Alar Ğıraq xalqınıñ üz çitäkçelären saylawnı kürergä telämi. Alar ütkängä qaytırğa teli. Alar zalim S. Xösäin rejimın qaytarırğa teli. Ämma bu bulmayaçaq. Powell saylawlar bilgelängäneçä 30nçe ğıynuarda ütäçäk dide. AQŞtarafınnan bilgelängän texnokrat al Xaidari Ğıraq başqalasın tözekländerü öçen amerikannnar belän nıq xezmättäşlek itte. Ul su, elektr, çüp cıyu kebek şähär xezmätlären torğızu öçen çit il şirkätläre belän millionnarça dollarlıq kontraktlar tözede. Bagdad wilayäte gubernatorı al Xaidari ber atna elek kenä jurnalistlarğa ğıysyançılarnıñ höcümnäre häm iminlekneñ bulmawı , Bagdadta tözekländerü eşlärenä qomauçalıy häm saylawlardan elek köç qullanu tağı da artaçaq dip söylägän ide. al Xaidari sintäber ayında üzenä yasalğan atentattan qotılıp qalğan ,anıñ tän saqçıları häläk bulğan ide. Noyäber ayında al Xaidarinıñ urınbasarı Hatim Qamil şulayuq maşinadan açılğan ut astında ülde. Ansarı al Sunna armiäse Qamilneñ üleme öçen cawaplılıqnı üz östenä aldı. 27nçe dikäberdä şığılarnıñ in möhim säyäsi partiäse- Ğıraq islam inqilabı yuğarı şurası ofisına yasalğan höcümdä 13 keşe üterelde . Partiä citäkçese al Hakim qotılıp qaldı. Partiäneñ eleke citäkçese ayatolla Moxammäd Baqr Hakim 2003nçe ylda Nacafta üterelde. Sonğı 4 ayda yuğarı däräcädäge räsmilärne üterü öçen omtılışlar buldı Alar arasında Ğıraq Milli Kongresı citäkçese Axmäd Çalabi, Ğıraq waqıtlı ministırı Kirkuknıñ körd gubernatorı häm eleke waqıtlı iminlek şurası kiñäşçesen atap bula . Bolar uñışsız atentatlar bulsa da bügen Bagdad wilayäte gubernatorınıñ üterelüe saylawlar 30nçe ğıynuarda ütkärelergä tieşme digän sorawnı köntärtibenä quya . Ğıraq waqıtlı prezidentı Gazi al Yawär dä bügen saylawlarnı kiçekterü yaxşıraq bulmasmı ikän dip sorağan ide färidä xämit
XS
SM
MD
LG