Accessibility links

пәнҗешәмбе, 8 декабрь 2016, Казан вакыты 11:05

Törkmänstan tabiği gaznıñ qimmätlänüen dollarnıñ arzanayuı belän añlata


Törkmänstan prezidentı Saparmurat Niyazov kiçä Aşxbadta çığış yasap Amerikan dollarınıñ bäyäse töşü Törkmänstannan Ukraina belän Rusiägä satıluçı tabiği gaznıñ bäyäse artuğa kiterä dide.

AUDİO: Älbättä bez monı säyäsi maqsat belän eşlämädek. Söyläşülär waqıtında bez dollarnıñ beraz arzanayuın uzara tanıdıq. Çönki ul 35 protsentqa arzanaydı.

Tabiği gaz bäyäse turında kileşä almaw säbäple uzğan şimbädä Törkmänstan Rusiä belän Ukrainağa gaz qudırunı tuqtattı. Kiçä Ukrainanıñ töp gaz häm neft şirkäte başlığı törkmänstan prezidentı belän yaña kileşü imzaladı. Anda meñ kubometr gaz bäyäse 44-tän 58 dollarğa kütärelgän. Niyazov äytüençä, Rusiägä dä şul uq xaqlar täqdim itelgän. Niyazov ägär Ankara Aşxabadtan arzanğa gaz satıp alırğa teläsä İran yäki Rusiä aşa Törkmänstanğa gazütkärgeç tözesen dide. Ul şulay uq Törkmänstan Paqstan belän Hinstanğa gaz qudıru öçen Äfğänstan aşa ütkärgeç tözü niätennän baş tartmıy dide. Törkmän gazı Azärbäycanğa Rusiä aşa qudırıla ide. Törkmänstan gaz cibärüne tuqtatqannan soñ Azärbäycannıñ awılları gazsız qaldı.

XS
SM
MD
LG