Accessibility links

дүшәмбе, 5 декабрь 2016, Казан вакыты 23:55

Dönya Sälamätlek oyışması tsunami kiçergän illärdä sälamätlek qazası başlanırğa mömkin dip kisätä


Dönya sälamätlek oyışması ägär dä tsunamidan zıyan kürgän illärdä eçär su tä'minäte tiz arada torğızılmasa sälamätlek qazası başlanırğa mömkin dide. Bu oyışma isäpläwençä 26-nçı dikäberdäge tsunami dulqını näticäsendä 500 meñläp keşe yaralanğan, 150 meñläp keşe hälak bulğan. Dönyanıñ törle illäre zıyan kürgän illärgä yardämne arttıra. AQŞ däwlät sekretare Colin Powell Tailandta häm İndoneziädä bulıp andağı wäzğiät belän tanıştı. Powell Quşma Ştatlar üz xärbi köçläre belän zur yardäm kürsätä häm töbäktä sunami turında kisätü sisteması buldıraçaq dide.

AUDİO: Quşma Ştatlar Tailandqa, häm uzğan atnadağı tsunamidan zıyan kürgän töbäktäge başqa däwlätlärgä yardäm itü öçen buldıra alğannıñ barın da eşliäçäk.

Bu töbäktäge wäzğiät belän tanışu öçen Singapur premyer-ministrı Lee Hsien Luñ häm Awstraliä tışqı eşlär ministrı Alexander Downer da kilde.

XS
SM
MD
LG