Accessibility links

пәнҗешәмбе, 8 декабрь 2016, Казан вакыты 13:06

Mintimer Şäymiev – iñ abruylı ölkä citäkçese


Yaña yıl bäyrämnärennän soñ respublikada nihayät äkrenläp eşkä kereşä başladılar. Qazandağı barlıq kibetlär açıq, uramnarda xalıq ta kübräk kürenä başladı. Alay da, xökümät oyışmaları äle berse dä diärlek eşlämi. Xäyer, ozın yallarnıñ da faydası kürenä - Qazan uramnarında bu könnärdä inde ğädäti xälgä äylängän yul bökeläre yuq. Säyäsi, iqtisadi waqiğalar, yañalıqlar da ällä ni yuq bu könnärdä. Küplär yal itä, eşläwçelär dä äle bäyräm ruxı belän yäşi. Küplär isä äle haman uzğan yılğa yomğaq yasaw belän mäşğül. Menä Mäskäwneñ Säyäsi texnologiälär üzäge, mäsälän, 2004 yılnıñ dekaber ayındağı iñ abruylı Rusiä gubernatorlarınıñ isemlegen täqdim itä. Anda berençe urında Tatarstan prezidentı Mintimer Şäymiev tora, dip xäbär itä Tatar-inform agentlığı. Şäymiev berençelekne älege isemlektä ikençe häm öçençe urında torğan Çukotka gubernatorı Roman Abramoviç häm Kemerovo ölkäse citäkçese Aman Tuleevnı uzıp yawlağan. Säyäsi texnologiälär üzäge isemlekne tözegändä töbäk citäkçeläreneñ Rusiä külämendä abruyın, federal’ üzäk belän mönäsäbätlären, cirle saylawlar näticälären istä totıp eş itkän. Belgeçlär, şulay uq, gubernatorlarnıñ prezident tarafınnan yañadan üz wazifalarına quyılu mömkinlegen dä tikşergän. Bu isemlektä Mintimer Şäymiev ikençe urında tora. Monda anı Aman Tuleev uzıp kitkän.

Gölnaz İlgizär

XS
SM
MD
LG