Fälästin saylawları tınıçlıq protsesı öçen töp mömkinçelek dip qarala

Y.Arafatnıñ urınına yaña prezident saylaw İzrael-fälästin solıx protsesın canlandıru öçen mömkinçelek dip qarala. Yäkşämbe saylawlarında Mäxmud Abbas ciñep çğar dip kötelä. Abbasqa urtaçıl säyäsätçe dip qarala häm Waşington da anı yaqlıy. Ütkän ayda ul 4yıldan birle däwam itkän intifada –İzraelgä qarşı başkütärü xata,ul tuqtatılırğa tieş dip äytkän ide. Sonğı könnärdä Gazada qorallı bäreleşlärneñ qabınuı belän Abbas ta qatı qul säyäsäte taraftarına äylänep kitte. Sişämbedä fälästinnär, yaqındağı yähüd utarlarına raketa höcüme yasağannan soñ İzrael Gazada 7 fälästinlene üterde. Şunnan soñ Abbas (audio) Bez sionist doşman tarafınnan Beit lahiyada üterelgän şäxitlärebezneñ ruxı öçen doğa qılabız Sionist doşman'' yaqın könçığışta yıllarça awızğa alınmağan süz ide.Moña İzrael tışqı eşlär ministırı Silvan Shalom (audio) Abbasnıñ äytkän süzlären bez bik ozaq waqıt işetmägän idek . Bez saylaw aldı kampaniäse waqıtında da andıy belderülär yasalmasqa tieş dip qarıybız digän cawap qaytardı. Süzlär citmägän kebek Könbatış Yarda suğışçan fälästin törkemnäre Abbasnı cilkälärenä utırtıp yörette. Älbättä Bu C.Powelneñ tänqitına säbäp buldı. M.Abbas radikal törkemnärne yähud utarlarına ut açmasqa çaqırdı çönki bu İzraelneñ üç aluına ğına säbäp bula dip äytkäç Xamas kebek törkemnär , Abbasqa äytkän süzlären öçen ğafu üten, bezneñ ireklek raketaları ikençe yaqqa oçarğa däwam itäçäk dip belderde . Abbas ğafu ütenmäde ämma min suğışçan törkemnörgä qarşı qoral qullanmayaçaqmım dip äytep alarnı qänäğätländerde . Boları citmägän kebek ul min fälästin moxacirlarınıñ öygä qaytuın yaqlıym dip belderde. Mondıy fikerlär İzrael belän solıx söyläşüläre başlaw öçen ber dä kileşle tügel. Londonda urnaşqan Patşalıq İnstitutında analitik Turi Munthe Abbas turında (audio) Minemçä bez moña saylaw eşe dip qararğa tieş. Abbas yıllardan birle üzen urta yulda toruçı keşe dip kürsätä. Ul mömkin bulğan qädäre küp tawış qına cıyarğa tırışa. Saylanğan oçraqta Abbas popular retorikanı säyäsätkä äyländerergä tieş bulaçaq İzraelgä kilgändä ul Arafattan sonğı Fälästin citäkçelege tınıçlıqqa taba progress teli ikän , suğışçan törkemnären bastırırğa tieş digän pozitsiädä tora. Sharon (audio) Bez Fälästin xakimiätendä yaña citäkçelek terrorğa qarşı köräşer häm reformalar alıp barır dip ömedlänäbez digän ide. Sharon Gazadan çigenü İzraelne iminräk xälgä kiteräçäk häm bälkim dä AQŞ tarafınnan da yaqlanğan ''yul xaritasına '' alıp baraçaq digän ide. Mäğlüm ki yul xaritası Fälästin häm İzrael ike däwlätne küzdä tota. Abbasmı ,başqasımı kem genä yäkşämbe saylawlarında ciñep çıqmasın fälästin suğışçan törkemnären kontrol itü öçen İzraeldän taşlamalar yasattırırğa tieş. Buş qul süzlär belän genä ğıysyançı törkemnär aldına kilgän fälästin prezidentı bernärsägä dä ireşä almayaaçq. İzrael öçen dä şuluq xäl. Haaretz gazetası ölkän xabärçese Lili Galili (audio) Okupatsiä astındağı territoriädän çigenüne yaqlawçılar ,monıñ İzrael cämğiäte öçen qıymätkä töşüen ,fälästinnärneñ İzrael watandaşların könyaqta äle dä bombalaun kürsä bu eş uñışlı bulmayaçaq. Galili Gazadan ber yaqlı çigenü xärbi yaqtan qarağanda keçkenä adım ämma İzrael cämğiäte öçen bik zur üzgäreş di . Çigenügä qarşı bulğan izraellelär watandaşlar suğışı belän kisätä. Çigenüneñ faydası İzraeldä iminlekneñ artuında kürenergä tieş. AQŞ Fälästin citäkçelege köç qullanunı tuqtatu häm reformalar yulına bassa aña 200million dollar yardäm biräçäk dip belderde färidä xämit