Accessibility links

сишәмбе, 6 декабрь 2016, Казан вакыты 23:00

Mäskäw mädäni üzägendä Yaña yıl bäyräme


Unbiş yıllar elek, Mäskäwdä tatarlarnıñ mädäni üzäge bulğan ikän digän xäbärne işetü genä dä üzenä kürä ber moğciza bulıp toyılğan ide. Ä xäzer şul binada balaçağa tawışı tınıp tormıy, millättäşlär dä anı uratıp uzmıy.Milli mädäni üzäktä oçraşular ğädäti ber närsägä äwerelde. Çönki bıyıl mädäni üzäktä tatarça ütkän çırşı bäyrämnärenä yözlägän tatar balaları kilep tatarça cırlap, şiğerlär uquı üze ber moğciza tügelmeni. Bäyrämne uzdırırğa eşquar millättäşlärebez dä matdi yärdäm kürsätkän bik matur itep Qış babay Häm Qar qızı kiemnäre dä tegelgän. Büläklär dä bik muldan öläşenä.Tatarça cırlawçılarğa, şağir söyläwçelärgä büläklär ayırım birelä. 4 ğinwarda ütkän çırşı bäyrämenä öç onığı belän Tatarstannıñ wäkälätle wäkile Nazif Mirixanov da kilgän ide. Milli üzäkneñ direktorı Änwär Xösäenov belän berlektä alar bäyrämgä kilgän balalarnı häm ata analarnı Yaña yıl belän qotladılar. Çırşı tiräsendä öç yäştän alıp, 13 yäşkä qädär bulğan balalarnı Roza Xabibullin citäkçelegendäge “Ayqay” törkeme yäşläre uynattı da biette dä. Ä inde Bäyrämgä kilgändä ul maxsus senariä buyınça bardı. Biredä balalar Qış babay häm Qar qızı belän genä oçraşıp qalmıy, Şüräle, Ubırlıq qarçıq belän dä tanıştılar häm alarğa cırlar da cırladılar. Bäyrämdä şiğer söyläwçelär küp buldı, ä menä biş yäşlek Rufiä Sadıykovanıñ “Qış babay” digän şiğeren tıñlawçılarıbızğa da işetteräsem kilä. Äti änilär dä bäyrämnän bik qänäğät qalğannar.alar da üz fikerlären belderep, oyıştıruçılarğa zur räxmätlären äyttelär.. Mäskäwneñ milli mädäni üzägendä yaña yıl bäyräme ikençe yıl uzdırıla inde Bıltır ul ber genä kön bulsa, bıyıl 5 kön däwam itäçäk. İkençe yılğa tatarça şiğer söyläwçelär dä artır dip ışanası kilä. Çönki uzğan yıldan milli üzäktä balalar öçen tatar tele däresläre dä , cır häm biyu tügäräkläre dä eşli başladı.

Näzifä Kärimova

XS
SM
MD
LG