Accessibility links

шимбә, 10 декабрь 2016, Казан вакыты 21:25

Ğiraqnıñ Baquba şähärendä intixar höcümendä kimendä 6 keşe, Bağdadta 13 keşe hälak buldı


Hilla şähärendä polisiä akademiäsen tämamlawçılarğa tanıqlıqlar tapşırğanda intixar höcüme bulıp kimendä 13 keşe hälak buldı, 25tän artığı yaralandı. Annan alda Bağdadta amerikan häm Ğiraq ğaskärläre artınnan barğan maşina şatrladı, monıñ yanında bulğan 2 keşe hälak bulğan. Baquba şähärendä qorallanğan ber keşe – cirle polisiä xezmätkäre häm anıñ maşina yörtüçesen atıp ütergän. Häm tönyaqtağı Mosul şähärendä kiçä urlanğan sönni säyäsätçe bügen atıp üterelgän. Ğiraqnıñ waqıtlı premyer-ministrı İyad Allawi, 30nçı ğinwarğa bilgelängän saylawlar waqıtında ütäçäk, dip belderde: "Ğiraqlılarnıñ borçıluın añlıybız. Köç qullanuçılar häm terrorçılarğa bezdä barğan säyäsi tärräqiätne tuqtatırğa häm ilne cimerergä irek birmiäçäkbez. Xökümät häm şäxsän min, ğiraqlılarnı saylawlarda qatnaşırğa çaqırabız." dide Allawi. Qayber sönni säyäsätçelär tawış birüdä qatnaşmasqa çaqırdı. Ğiraq küzläw idaräse başlığı general mayor Mohammäd Abdulla aş-Şawhani, bügen ğaräp "Aşarq Al-Awsat" basmasına birgän äñgämäsendä, Ğiraqta elekke rejim wäkilläre citäkçelegendä 20dän alıp 30 meñgä qadär terrorçı bar, dip belderde. Aş-Şawhani, ildä köç qullanu ber yıl eçendä kimer dip farazlıy. Terror höcümnäre 30 ğınwar saylawlar könendä dä kötelä, qayber keşelär tawış birü urınnarına barıp citä almayaçaq, dide Ğiraq küzläw idaräse başlığı.

XS
SM
MD
LG