İran BMOnıñ inspektorlarına Parçindağı xärbi qorılmanı barıp kürergä röxsät birde. Amerika Quşma Ştatları biredä yäşren atom qoralı citeşterelü ixtimalı bar dip kisätä. Xalıqara Atom Agentlığı başlığı Möhammäd ElBaradei, jurnalistlarğa, Tährannan 30 çaqrım yıraqlıqta urnaşqan şuşı urınnı tikşerüçelär yaqın arada barıp küräçäk, dip belderde.
İran atom qoralı citeşterüen kire qağa. Qayber illär, şul sanda AQŞ, İran atom energiäse citeştermäsä dä – ilneñ nefte häm gazı tınıç maqsatlarda qullanu öçen citärlek, dip belderä.
