Äfğanstan belän Paqstan çik buyında ber Paqstan xärbie häm İrannıñ İRNA mäğlümat agentlığı xäbär itüençä, 15 äfğan xärbie hälak bulğan. Bäreleşlär düşämbe könne Paqstannıñ Tönyaq Waziristan töbäge belän Äfğanstannıñ Xost provinsiäse çigendä bulğan. Paqstan räsmiläre atışlarnı başlawda äfğan köçlären ğayepli. Äfğanstandağı amerikan xärbi köçläre – atışlar "añlaşılmawçanlıq arqasında buldı" dip xäbär itte.
Äfğanstanda prezident Hamid Qarzai waqıtlı yuğarı mäxkämene bilgeläde. Üz färmanı belän Qarzai 9 xakimne bilgeläde, mäxkämä başlığı itep konservativ islam ruxanie Fazl Hadi Şinwari'nı quydı.
