Accessibility links

Кайнар хәбәр

Pravoslav tatarlar Raştuanı bäyräm itä


6 ğinvarda, pravoslav tatar öçen dä bäyrämnär başlana. Tatarstanda bügenge köndä 19 meñläp keräşen tatarı sanala, ä Rusiä buylap pravoslav dinen totuçı tatarlarnıñ sanı 25 meñgä citä. Bu soñğı canisäp näticäläre. Keräşen tatarları yöri torğan Tixvin çirkäwendä äytkänçä, 6 ğinvarda ber kiçendä bäyrämçä köyläwe başlanaçaq häm ul irtängä qädär däwam itäçäk. Bäyrämgä qädär, din, pravoslavlarğa uraza totarğa, ä Raştuadan soñ, bäyräm itärgä, ber bersenä qunaqqa yörergä quşa. Keräşen tatarları da şulay itä. Ämma, pravoslav tatarlarnıñ üz bäyräm yolaları da bar. Raştua elek niçek bulğan häm xäzer niçek? Bu xaqta Qazanda yäşäwçe Usaçeva Anastasiä Semen qızı belän söyläştek.« Elek piçlärdä peşerä idek, xäzer gaz plitälärendä qoymaq peşeräbez. Raştua könne qunaqlar kilä, alar belän bäyräm itäbez.» Anastasiä apa tumışı belän Piträç rayonnan. Balaçaq xatiräse itep ul awılında Raştuadan soñ ütkärelgän Narduğan bäyrämen iskä ala. Kienep, yasanıp, äyber soraw yolasında ul üze qatnaşmasa da, olılarnıñ yörgännären xäterli. «Kienep, bitlärne qaplap baralar ide, yola belän öylärgä kerälär, biep, uynap çığalar, bez çittän qararğa bara idek»

Anastatsiä Semen qızı Raştuanı üze kebek keräşen apalar belän bäyräm itärgä cıyına. 7 ğinvar qunaqqa yörülär, ber bersenä sıy-xörmät täqdim itülär bulaçaq. Alar öçen bu Raştua ğına tügel, dini yöla belän Yaña yıl kilü bäyräme dä.



Bikä Timerova.

XS
SM
MD
LG