Sişämbedä Gruziäneñ töp televidenie kanallarında çığış yasap, Gruziäneñ yaña saqlanu ministrı İrakli Okruaşvili ministrlıqnıñ elekke häm xäzerge 4 yuğarı räsmien, isemnäre belän atap, xärämläşüdä ğäyepläde häm ber ay eçendä alarnı törmägä utırtu telägen belderde:
Audio (İrakli Okruaşvili)
Okruaşvili bu räsmilärne tözerkländerü eşlärenä, xärbilärne aşatuğa häm kienderügä digän aqçalarnı urlawda ğäyepläde. Anıñ süzlärençä, qaraqlar sanı monıñ belän genä çiklänmi, başqaların da şul uq cäza kötä:
Audio (İrakli Okruaşvili)
"Bu keşelär armiäne tağı da naçarraq xälgä kiterde. Alar urınarınnan alınaçaq. Alay ğına tügel, urlağan aqçaların tuğannarı, alarğa törmägä cibärep toraçaq."
Zamanında baş prokuror, annarı Eçke eşlär ministrı yögen tartqan Okruaşvili, 3 atna elek prezident Saakaşvili xökümättä başqarğan üzgäreşlär näticäsendä saqlanu ministrı buldı. Prokuror çağında da rişwätçelekkä qarşı kampaniäse, gölçäçäk inqilabınnan soñ berniçä räsmine törmägä ozatuı belän, Eçke eşlär ministrı bularaq, şul uq korrupsiägä qarşı dip, Könyaq Osetiä operatsiäse belän xätergä kerep qalğan Okruaşvili, xäzer, küzätüçelär fikerençä, yaña wazifasında üzeneñ qatılığın kürsätergä tırışa.
3 atna elek üzgäreşlärgä qädär saqlanu ministrı urınbasarı bulıp torğan Paata Gaprindaşvili – telgä alınğan 4 "qaraq" räsmineñ berse – çärşämbedä "İmedi" televideniesenä birgän äñgämäsendä, üzenä belderelgän ğäyepläwlärne "safsata" dip atadı. Baş prokuror urınbasarı Kaxa Koberidze häm İminlek Şurası räise Gela Bejuaşvili – räsmi tikşerülärgä qädär mondıy ğäyepläwlär belän saq bulırğa çaqırdı.
Okruaşviliğa qädär saqlanu ministrı bulğan, xäzer Yevropa belän berläşü öçen cawaplı ministr Goirgi Baramidze da, warisınıñ ğäyepläwläre faktlarğa tügel, farazlarğa nigezlängän dip belderde.
Elekke xärbi ombudsman, xäzer armiäne küzätüçe ğäyre räsmi oyışma wäkile İrakli Sesiaşvili süzlärençä, çınbarlıqta Okruaşvili ğäyepläwläre artında rişwätçelek belän köräşü niäte tügel, ä säyäsät yata - ber yaqtan prezident, ikençe yaqtan premier ministr Zurab Zvaniaga yaqın torğan keşelär arasındağı qarşılıqlar.
Audio (İrakli Sesiaşvili)
"Saakaşvili xakimiatqa kilgännän soñ, bez Saqlanu Ministrlığın tikşerep, Yaña İdaräneñ 100 köne digän xisap iğlan ittek. Anda küp kenä rişwätçelek oçraqları kiterelgän ide. Ämmä ul çaqta Okruaşvili citäklägän prokuratura moña ber iğtibar birmäde. Şevarnadze çorında armiäne satıp yatqan generallarğa qarata da ber çara da kürelmäde, qayberläre äle dä yuğarı urınnarda utıra."
Sesiaşvili süzlärençä, Okruaşvili, aña qädäre ike saqlanu ministrınnan berni belän dä ayırılmıy, yärdämçelären sälätenä tügel, tuğrılığına qarap eşkä ala. Bu sistema ğämäldä qalğan nisbättä, armiädä rişwätçelekneñ tanırı özelmiäçäk.
-Ali Gilmi
Audio (İrakli Okruaşvili)
Okruaşvili bu räsmilärne tözerkländerü eşlärenä, xärbilärne aşatuğa häm kienderügä digän aqçalarnı urlawda ğäyepläde. Anıñ süzlärençä, qaraqlar sanı monıñ belän genä çiklänmi, başqaların da şul uq cäza kötä:
Audio (İrakli Okruaşvili)
"Bu keşelär armiäne tağı da naçarraq xälgä kiterde. Alar urınarınnan alınaçaq. Alay ğına tügel, urlağan aqçaların tuğannarı, alarğa törmägä cibärep toraçaq."
Zamanında baş prokuror, annarı Eçke eşlär ministrı yögen tartqan Okruaşvili, 3 atna elek prezident Saakaşvili xökümättä başqarğan üzgäreşlär näticäsendä saqlanu ministrı buldı. Prokuror çağında da rişwätçelekkä qarşı kampaniäse, gölçäçäk inqilabınnan soñ berniçä räsmine törmägä ozatuı belän, Eçke eşlär ministrı bularaq, şul uq korrupsiägä qarşı dip, Könyaq Osetiä operatsiäse belän xätergä kerep qalğan Okruaşvili, xäzer, küzätüçelär fikerençä, yaña wazifasında üzeneñ qatılığın kürsätergä tırışa.
3 atna elek üzgäreşlärgä qädär saqlanu ministrı urınbasarı bulıp torğan Paata Gaprindaşvili – telgä alınğan 4 "qaraq" räsmineñ berse – çärşämbedä "İmedi" televideniesenä birgän äñgämäsendä, üzenä belderelgän ğäyepläwlärne "safsata" dip atadı. Baş prokuror urınbasarı Kaxa Koberidze häm İminlek Şurası räise Gela Bejuaşvili – räsmi tikşerülärgä qädär mondıy ğäyepläwlär belän saq bulırğa çaqırdı.
Okruaşviliğa qädär saqlanu ministrı bulğan, xäzer Yevropa belän berläşü öçen cawaplı ministr Goirgi Baramidze da, warisınıñ ğäyepläwläre faktlarğa tügel, farazlarğa nigezlängän dip belderde.
Elekke xärbi ombudsman, xäzer armiäne küzätüçe ğäyre räsmi oyışma wäkile İrakli Sesiaşvili süzlärençä, çınbarlıqta Okruaşvili ğäyepläwläre artında rişwätçelek belän köräşü niäte tügel, ä säyäsät yata - ber yaqtan prezident, ikençe yaqtan premier ministr Zurab Zvaniaga yaqın torğan keşelär arasındağı qarşılıqlar.
Audio (İrakli Sesiaşvili)
"Saakaşvili xakimiatqa kilgännän soñ, bez Saqlanu Ministrlığın tikşerep, Yaña İdaräneñ 100 köne digän xisap iğlan ittek. Anda küp kenä rişwätçelek oçraqları kiterelgän ide. Ämmä ul çaqta Okruaşvili citäklägän prokuratura moña ber iğtibar birmäde. Şevarnadze çorında armiäne satıp yatqan generallarğa qarata da ber çara da kürelmäde, qayberläre äle dä yuğarı urınnarda utıra."
Sesiaşvili süzlärençä, Okruaşvili, aña qädäre ike saqlanu ministrınnan berni belän dä ayırılmıy, yärdämçelären sälätenä tügel, tuğrılığına qarap eşkä ala. Bu sistema ğämäldä qalğan nisbättä, armiädä rişwätçelekneñ tanırı özelmiäçäk.
-Ali Gilmi