Accessibility links

İzge cirlärgä xac säfäre başlandı


6 ğinwar könne, Mäskäwdän 70 möselman Söged Gäräbstanına xac säfärenä yul tottı. Alar oçqıç belän baraçaq, Mäskäwdän Qahirä, Qairädän Soğed Gäräbstanınıñ Ciddä şähärenä oçaçaqlar. Annan soñ inde barısıda xac qanunnarı buyınça baraçaq. Läkin bıyıl, xacnıñ farazlarına qağılmasa da säfärneñ barışında başqa yıllarnıqına qarağanda üzgäreşlär dä bar ikän. Bu xaqta Rusiäneñ möftilär şurasında tışqı eşlär bağlanışı belän şöğellänüçe häm bıyılğı xac säfäreneñ citäkçese Ruşan xäzrät Äbbäsov söyläde. Xac säfäre elekkege kebek mäkkädän tügel. Mädinä şähärennän başlanaçaq. Xac säfäre 3 atna däwam itäçäk.

Säfärgä kitüçelär arasında ir-atlar bulğan kebek xatın-qızlar da bar. Alarnıñ qayberäwläre xattä ikençe tapqır xac säfäre qılırğa niätlägän.

Ruşan xäzrät xacğa baruçılar sanı yıldan yıl arta dip äytsä dä. Möftilär şurası räise Rawil xäzrät Gaynetdin, 90 yıllarda Rusiädän xac säfäre qıluçılarnıñ sanı 14 meñgä citkän ide. Xäzer inde 6 meñnän artmıy dip beldergän ide.

Säfärgä kitüçelär arasında ir atlar bulğan kebek xatın qızlar da bar. Alarnıñ qayberäwläre xattä ikençe,öçençe tapqır xac säfäre qılırğa niätlägän.

Xatın qızlar möxäcirlärneñ yartısın täşkil itä. Şularnıñ berse Tübän Novogrod ölkäseneñ Rıybuşkino awılınnan 68 yäşlek Rauza Axunova. Ul inde xacğa ber tapqır barğan bulğan. İsän saw qaytsam, ele tağı da barır idem di Rauza xanım. Minem altı balam, un onığım bar. Säfärlärem uñışlı ütep, qaytıp, ğailäm belän qawışırğa yazsın, dide Rauza xanım.Ä menä Damira xanım Nogumanova Tatarstannıñ Teläçe rayonınnan. Nigä mäskäwdän başladığız säfäregezne digäç, qızım belän kiäwem Mäskäwdä yäşi, xac säfäre dä alarnıñ büläge, şuña biredän kitärgä buldım, dide Damira xanım.

Şulay itep bügen izge Mäkkä Mädinägä xac qıluçılarnıñ säfäre başlandı. Yulları uñışlı bulıp, isän imin äylänep qaytsınnar dip telik.

Näzifä Kärimova, Mäskäw
XS
SM
MD
LG