Accessibility links

якшәмбе, 4 декабрь 2016, Казан вакыты 09:22

Ğiraqta artıp kitkän köç qullanu säbäple ğädättän tış xäl möddäte ozaytıldı


Ğıyraqta saylaw köne yaqınayğan sayın köç qullanu da arta bara.Atnakiçtä törle insidentlarda 9 amerikan xärbie häläk buldı, yanaular säbäple saylaw räsmiläre urınınnan kitä. Ğıyraq premyere Ayad Allawi 30nçe ğıynuardağı saylawlardan elek xökümät köçlärenä kübräk xoquq birü mäqsatında ğädättän tış wazğiäteneñ möddäten ozayttı . Allawinıñ bu qararı saylawlarnıñ qanunilığın (legitimlığın) soraw astına quya.

Ğıyraq waqıtlı premyre A. Allawi 30-nçe ğıynuar saylawları aldınnan köç qullanunı kimetü mäqsatında ğädättän tış wazğiätneñ mäddäten tağı 30köngä ozayttı. Ğädättän tış wazğiät ğıysyançılar nığıtması Fallucağa yasalğan höcümnnän elek 60 kön öçen kertelgän ide. Bu qanun waqıtlı xökümätkä komendant säğäte kertü, çiklärne , hava mäydannarın yabu , ğıysyançı dip şiklänelgän keşelärne qulğa alu mömkinçelegen birä. Premyer Allawi(audio)

Bez Ğıyraqnı tözekländergändä kübräk hädäf bulaçaqbız, zalim köçlär eşlärebezdä progres tügel ä alarnıñ körçekkä terälüen kürergä teli.

Britaniädä elek Xalıqara Mäsälälär öçen Patşalıq İnstitutı dip yöretelgän Chatham House ta Ğıraq belgeçe Dr Gareth Stansfield ğädättän tış wazğiät alda torğan saylawlarnıñ legitimlığın soraw astında qaldıra di. Stansfield (audio)

Kiñ cäyelgän ğıysyan barğan waqıttta ğädättän tış xäl köçtä bulsa saylawlarnı çınlapta irekle,ğädel häm qanuni dip atap bula mı? Allawi şulay eşlämäsä ğıysyançılar telägännären eşliäçäk.Minemçä Allawi öçen här ike saylaw da bik qıyın .Ul moñı eşlärgä tieş ämma şulay eşläw belän saylawlarnı qanunsızlaştıra.

Atnakiç Bagdadnıñ tönyaq könbatışında amerikan ğäskäriläre utırğan BTRğa atılğan bomba 7 keşeneñ häläk buluına kiterde. al Anbar wilayätendä 2 marin üterelde.Bu dikäber ayında Musulda xärbi bazağa yasalğan höcümdä 22 keşeneñ häläk buluınnan soñ in zur yuğaltu ide.

Ğıraqtağı AQŞ köçläreneñ komandirı general leytinant Thomas Metz qaraşınça ilneñ 18 weläyäteneñ 4de iminlek şartları bik naçar ämma saylawlarnı kiçekterü ğıysyançılarğa saylawçılarnı häm saylaw xezmätkärlären qurqutu öçen kübräk waqıt qına biräçäk. Ğıraq Saylaw Komisiäse äğzaları kisätülär säbäple urınnarınnan kitä. Alarnıñ 9 üterelgän. Radiobıznıñ Ğıraq mäsäläläre analitigi Kathleen Ridolfo(audio)

İlneñ törle öleşlärendä unnarça, yözlärçä saylaw xezmätkäre çigende.Saylaw Komissiäseneñ cirle räsmiläre üterü yanawları säbäple çigende . Bez saylaw räsmiläreneñ ezärleklänüen beläbez, suğışçan törkemnär saylawlarnı buldırmaw mäqsatında bu keşelärne hädäf itep ala

Atnakiçtä Yordaniä başqalası Ammanda ütkän cıyında Ğıraqnıñ kürşeläre saylawlarğa tıqşınmasqa wäğdä birep,barlıq ğıraqlılarnı saylawlarğa qatnaşırğa çaqırdı .Ğıyraq, Yordaniä,Süriä, Suğut Ğäräbstäne, Törkiä häm Kuweit tışqı eşlär ministırları häm İrannıñ ölkän räsmiä qatnaşqan konferensiä urtaq belderü belän tämamlandı. färidä xämit
XS
SM
MD
LG