Accessibility links

шимбә, 3 декабрь 2016, Казан вакыты 18:43

Qırğızstan xakimiate oppozitsiä wäkilläreneñ fivraldä uzaçaq parlament saylawlarında qatnaşuın telämi


Qırğızstandağı saylaw komissiäse ilneñ elekke tışqı eşlär ministrı, ä xäzer oppozitsiädäge "Atayort" xäräkäten citäklägän Roza Otunbayıvanı fivraldä uzaçaq parlament saylawlarında qatnaşu öçen terkäwdän baş tarttı. Başta isä anıñ şuşı ğarizası bernindi qarşılıqsız qabul itelgän ide. Xäzer inde Otunbayıva tarafdarları anı çitläşterü säyäsi maqsatlardan çığıp eşlände dip belderä.

Pänceşämbe töştän soñ Roza Otunbayıva, Bişkäktäge saylaw komissiäläreneñ bersennän üzen 27-nçe fivraldä uzaçaq parlament saylawlarına nämzät itep terkäw turında räsmi qäğäz alğan ide. Läkin berniçä säğät ütü belän Otunbayıvanı başta terkäw turında qarar çığarğan saylaw komissiäse yañadan cıyılıp üz fikeren üzgärtergä häm elekke qararın köçtän çığarırğa buldı. Monı añlatqan säbäplär arasında komissiä wäkilläre, berençe utırışta kworum bulmawın da atıy, ämma çınbarlıqta monıñ bötenläy başqaça buluı kürenä. Saylaw komissiäsendäge 15 äğzanıñ berençe utırışta 11-e qatnaşqan häm alarnıñ 7-se Otunbayıvanı terkärgä digän qararnı yaqlağan bulğan. İkençe utırışta inde şuşı 7 äğzanıñ 6-sı üz fikeren üzgärtep, elekke terkäwne köçtän çığarunı xuplağan. Comğa könne ütkärelgän matbuğat oçraşuında Roza Otunbayıva şuşı saylaw komissiäse äğzaların xökümättän kilgän kürsätmäne ütäwdä ğäyepläp çıqtı.

Audio, Roza Otunbayıva

"Minemçä bu säyäsi maqsattan çığıp eşlängän, xökümät tarafınnan şulay quşılğan bulğan" di Qırğızstannıñ oppozitsiädäge "Atayul" xäräkäte citäkçese Otunbayıva. Häm ul bu tänqitendä üze genä tügel. Uzğan ayda saylaw komissiäse wäkilläre öç qırğız diplomatın, şul isäptän Qırğızstannıñ Malayziädäge elekke ilçese Mambetyunıs Abılovnı da terkäwdän baş tartqan ide. Roza Otunbayıva oçrağı turında ul bolay di:

Audio, Mambetyunıs Abılov

"Qanun nigezendä cirle saylaw komissiäse üzeneñ elekke qararın üzgärtä almıy, ägär dä ul yalğış qarar çığara ikän, monı barı tik mäxkämä yäisä yuğarı däräcädäge saylaw komissiäse genä ğämäldän çığara ala" di Abılov. Otunbayıvanı çitläşterü tırışlıqların, ul köräşergä cıyınğan saylaw bülgesendä prezident Äskär Aqayevnıñ qızı - Bermetneñ dä parlamentqa saylanırğa tırışuı belän añlatalar. Ul anda xökümät yaqlı "Alğa, Qırğızstan!" firqase tarafınnan täqdim itelä ala. Oppozitsiädäge "Res Publica" basması möxärrire Zamirä Sıdıqova:

Audio, Zamira Sıdıqova

"Min bu histeriäne bötenläy añlamıym, di Zamira Sıdıqova, häm bolay dip däwam itä: "Xakimiatneñ Otunbayıvanı Bermet Aqayeva belän yarıştan çığarıp taşlawın añlap citä almıym. Bermetneñ inde bolay da iksez-çiksez administrativ mömkinlekläre bar, qurqaqnıñ küze mañğayına menär digändäy, bu näq menä şul oçraq, xakimiat üzen faş itte" di "Res Publica" basması möxärrire, räsmi xakimiatneñ oppozitsiädäge Roza Otunbayıvanı saylawlarğa çığarmaw teläge turında. Başta Quşma Ştatlarda, annarı Britaniädä qırğız ilçese bulıp torğan Otunbayıva 1994-97-nçe yıllarda Qırğızstannıñ tışqı eşlär ministrı bulıp ta eşlägän ide.

Kärim Kamal
XS
SM
MD
LG