Accessibility links

шимбә, 3 декабрь 2016, Казан вакыты 05:42

Ğiraqtağı AQŞ xärbiläre saylawlar könendä tärtip saqlarğa wäğdä itä


AQŞ xärbiläre äytüençä, Ğiraqtağı soldatlarğa höcümnär bulıp toruğa qaramastan, xärbilär 30-nçı ğinwarğa bilgelängän saylawlarda uramnarnı saqlawda qatnaşaçaq. Pänceşämbe könne 9 amerikan soldatı üterelde. Kiçäge yuğaltu dikäber ayında Mosul şähärendä amerikan xärbilärenä qarşı intixar höcümennän soñğı iñ zur yuğaltu buldı. Leytenant Polkovnik Steven Boylan bu höcümnär bezneñ üz yöklämäbezne ütäw niätebezne kimetmi dide. AQŞ xärbi citäkçelege Ğiraqqa citärlek ğäsqär häm xärbi texnika cibärmägän, Ğiraq soldatların öyrätü eşe aqrın barğan öçen tänqitlänä. New York Times gazetı yazuınça, AQŞ saqlanu ministrlığı Ğiraqqa pensiädäge ber generalnı cibäräçäk. Ul andağı xärbilärneñ xäle, ğisyançılarğa qarşı suğış strategiäse häm Ğiraq soldatlarınıñ künegü programmaların bäyäläp xisap äzerliäçäk.

XS
SM
MD
LG