Accessibility links

якшәмбе, 4 декабрь 2016, Казан вакыты 00:55

Mäskäw Gruziädä çeçennarnıñ törmädän çığırıluına protest belderä


Rusiä suğışçı buluda ğäyeplänep bıltır törmägä yabılğan 4 çeçennı azat itü turında qarar çığarğan Gruziä xakimiätlärenä tänqit belderde. Alarnı azat itü turında qarar uzğan yılnıñ noyäber ayında Gruziä Yuğarı mäxkamäsendä alarnıñ törmä cäzasın kimetü turındağı qarardan soñ buldı. Pänceşämbe könne Rusiä tışqı eşlär ministrlığınıñ internet säxifäsenä elengän belderüdä Gruziäneñ alarnı azat itü qararı üzara elemtälärne yaxşırtuğa faydalı bulmayaçaq dide. Älege çeçennarnıñ öçese bu atnada irekkä çığarıldı, tağın berse kiläse ayda azat iteläçäk. Bu dürt çeçen 2002-nçı yılnıñ cäyendä Çeçnädän Gruziägä kerep barğanda totılğan 13 keşelek törkemdä ide. Bu törkemdäge çeçennarnıñ qayberläre Rusiägä tapşırıldı. Gruziädäge xoquq yaqlaw oyışmaları älege 4 çeçennı da şundıy uq yazmış kötärgä mömkin di.

XS
SM
MD
LG