Accessibility links

шимбә, 3 декабрь 2016, Казан вакыты 07:46

Xalıqara oyışmalar Hind okeanında tsunamidan soñ balalar säwdäse başlanu turında kisätä


Xalıqara oyışmalar Hind okeanında uzğan aydağı tsunamidan soñ yätim qalğan balalarnı üz teläklärenä qaramastan qanunsız räweştä asrawğa aluçılar, xezmätkä qullanuçılar häm seks qolları itep aluçılar turında kisätä. Bügen BMOnıñ balalar fondı UNİCEF berençe märtäbä 26-nçı dikäberdän soñ İndoneziädä balalar belän säwdä itü buluın rasladı. Xalıqara Migratsiä Oyışması da İndoneziädäge yardäm oyışması 7 balalar satu oçrağı turında xäbär itte dide. Dönya citäkçeläre Hind okeanı buyındğı illärgä kilep andağı wäzğiät belän tanışunı däwam itä. BMO general' sekretare Kofi Annan İndoneziäneñ Açe töbägenä kilep andağı xällärdän qotı oçuın belderde.

AUDİO: Bez Sumatra utrawınıñ könbatış yarınnan uzdıq. Häm minem berqayçan da çaqrımnarğa suzılğan mondıy qotoçqıç cimereklärne kürgänem yuq ide.

Tailandta Britaniä tışqı eşlär ministrı Jack Straw anda barğan meñnärçä mäyetlärne tanu tırışlıqların tarixtağı iñ zur şundıy xalıqara eş dip bäyäläde. Sri Lankada AQŞ däwlät sekretare Colin Powell zıyan kürüçelärgä yardäm külämennän tä'sirlänüen belderde.

XS
SM
MD
LG