BMO general'' sekretare Kofi Annannıñ Hind okeanı buyında tsunamidan zıyan kürgän illärgä säfäre däwam itä. Şimbä könne ul Sri Lankanıñ könyaq-könçığış öle östennän boralaqta oçıp andağı cimerekleklärne qaradı. Boralaq elek küp turistlar yal itkän, ämma xäzer bik nıq cimerelgän Hambantota şähärenä töşte. Anda anı Sri Lanka premyer ministrı Mahinda Raja-pakse qarşıladı. Annan Radjapakseğa bolay dide.
AUDİO: Bu bik matur il. Min cimerekleklärne kürdem, ämma min ilegezneñ maturlığın da kürdem. Älbättä bez bu cimerekleklärne tözätü öçen sezneñ xökümät belän bergä eşlärgä tieş.
Uzğan ayda köçle dulqın, Sri Lankada awıl-şähärlärne genä tügel, meñnärçä keşeneñ tormışın da cimerde. Ämma xäzer cimerekleklärne tözätü eşläre bara, çittän yardäm kilä. Räsmi sannarğa qarağanda bu utrawda xäzer tsunamidan zıyan kürgän 750 meñläp moxtac keşe bar. BMO räsmiläre äytüençä bu atna axırına yardäm xezmätläre alarnıñ härbersenä hiçyuğı az ğına bulsa da yardäm biräçäk.
İñ zur zıyan kürgän il İndoneziädä taşlar astınnan häm läm eçennän meñnärçä mäyetlärne çığaru däwam itä. Yardäm xezmätläreneñ başqa ber öleşe isän qalğannarnı tabu häm alarğa yardäm itü belän mäşğül. İñ zur zıyn İndoneziäneñ Sumatra utrawındağı Açe töbägendä. Comğa könne Annan Açedağı xällärne kürgäç mondıy qotoçqıç närsälärne ğömeremdä dä kürgänem yuq ide dide. BMOnıñ Dönya Azıq-Tölek Oyışması isän qalğan 2 millionlap keşene aldağı yartı yıl buyı azıq belän tä''min itep toru programmasın iğlan itte. Oyışmanıñ başqarma mödire James Morris töp iğtibar yökle häm imezüçe xatınnarğa, häm sabıylarğa bulaçaq dide. Bu oyışmanıñ töp eşçänlege İndoneziädä bulaçaq. Xäzer biredä 150 meñläp keşegä döge häm başqa şundıy iñ möhim tölek yardäme taratıla. Morris "İndoneziädä andıylar sanı 2-3-4 kön eçendä 300 meñgä citäçäk. 5-6-7 kön eçendä 400 meñgä citäçäk. Häm könbatış yardağı zıyan bik zur bulıp çıqsa 1 millionğa da citärgä mömkin. Ämma min ul qädär ük bulmas dip ömetlänäm" dide.
İndoneziäneñ üzendä genä dä tsunamidan ülüçelär sanı 104 meñnän artıp kitte. Barlıq illärne bergä quşıp isäplägändä tsunami qorbannarı sanı 150 meñnän arta. Äle tağın meñnärçä keşe yuğalğannar isemlegendä.
AUDİO: Bu bik matur il. Min cimerekleklärne kürdem, ämma min ilegezneñ maturlığın da kürdem. Älbättä bez bu cimerekleklärne tözätü öçen sezneñ xökümät belän bergä eşlärgä tieş.
Uzğan ayda köçle dulqın, Sri Lankada awıl-şähärlärne genä tügel, meñnärçä keşeneñ tormışın da cimerde. Ämma xäzer cimerekleklärne tözätü eşläre bara, çittän yardäm kilä. Räsmi sannarğa qarağanda bu utrawda xäzer tsunamidan zıyan kürgän 750 meñläp moxtac keşe bar. BMO räsmiläre äytüençä bu atna axırına yardäm xezmätläre alarnıñ härbersenä hiçyuğı az ğına bulsa da yardäm biräçäk.
İñ zur zıyan kürgän il İndoneziädä taşlar astınnan häm läm eçennän meñnärçä mäyetlärne çığaru däwam itä. Yardäm xezmätläreneñ başqa ber öleşe isän qalğannarnı tabu häm alarğa yardäm itü belän mäşğül. İñ zur zıyn İndoneziäneñ Sumatra utrawındağı Açe töbägendä. Comğa könne Annan Açedağı xällärne kürgäç mondıy qotoçqıç närsälärne ğömeremdä dä kürgänem yuq ide dide. BMOnıñ Dönya Azıq-Tölek Oyışması isän qalğan 2 millionlap keşene aldağı yartı yıl buyı azıq belän tä''min itep toru programmasın iğlan itte. Oyışmanıñ başqarma mödire James Morris töp iğtibar yökle häm imezüçe xatınnarğa, häm sabıylarğa bulaçaq dide. Bu oyışmanıñ töp eşçänlege İndoneziädä bulaçaq. Xäzer biredä 150 meñläp keşegä döge häm başqa şundıy iñ möhim tölek yardäme taratıla. Morris "İndoneziädä andıylar sanı 2-3-4 kön eçendä 300 meñgä citäçäk. 5-6-7 kön eçendä 400 meñgä citäçäk. Häm könbatış yardağı zıyan bik zur bulıp çıqsa 1 millionğa da citärgä mömkin. Ämma min ul qädär ük bulmas dip ömetlänäm" dide.
İndoneziäneñ üzendä genä dä tsunamidan ülüçelär sanı 104 meñnän artıp kitte. Barlıq illärne bergä quşıp isäplägändä tsunami qorbannarı sanı 150 meñnän arta. Äle tağın meñnärçä keşe yuğalğannar isemlegendä.