Accessibility links

җомга, 9 декабрь 2016, Казан вакыты 09:01

Ğiraqta oçqıç bombaları töyägändä şartlaw bulıp 7 ukrain, 1 qazax soldatın üterde


Ukraina saqlanu ministrlığı belderüençä, bügen Ğiraqnıñ Wäsit wiläyätendä oçqıç bombaları tutırğanda şartlaw bulıp 7 ukrain häm ber qazax soldatı hälak bulğan. Bağdadtan könyaqtağı Yosıfiä şähärendä maşinalı ber intixarçı Ğiraq xärbi tikşerü qapqası yanında bomba şartlatıp ike politsiä xezmätkären häm ike tınıç keşene ütergän. Ğiraqnıñ tönyağındağı Sämärrä şähärendä politsiä başlığı wazıyfaların başqaruçı Möxämmät äl-Bädri maşinasında barğanda atıp üterelde. AQŞ xärbiläre äytüençä, Bağdadta yulğa quyılğan bomba şartlawdan ber amerikan soldatı hälak bulğan. Ğiraq politsiäse äytüençä, kiçä kiç Bağdadnıñ könyağında Amerikan konvoyı ütep barğanda yulğa quyılğan bomba şartlağannan soñ amerikan xärbiläre ut açqan, häm kimendä 5 ğiraqlı, şul isäptän 2 politsiä xezmätkäre, 3 tınıç keşe ülgän. Kiçä AQŞ xärbiläre Mosul şähäre yanında yalğış ber yortnı bombalar berniçä tınıç keşene ütergän ide.

XS
SM
MD
LG