Düşämbe könne mädäniät häm sänğät universitetınıñ elekke rektorı, aña qädär KPSSnıñ Tatarstan ölkä komitetı sekretare, annan da aldaraq Çallı şähäreneñ partiä komitetınıñ berençe sekretare bulıp eşlägän Räis Belyaevnıñ tormış yulına bağışlanğan fänni utırış buldı.
Düşämbe kiçendä Räis Belyaevqa bağışlanğan kiçä Kamal teatrı binasında ütte. Anda Çallı yaqtaşlıq cämğiäte häm Belyaevnıñ çordaşları, xezmättäşläre qatnaştı.
Yaña yılnıñ häläkät häm macara statistikası da açıldı. Berençe ğinwardan başlap 119 yul häläkäte bulğan. Anda 9 keşe häläk bulğan, 167 keşe cäräxät alğan. İñ zur qaza Qazan - Orenbur yulınıñ 62 çaqrımında bulğan. 9 modelle Jiguli maşinası qarşı yulğa çığıp, 7 model WAZ avtomobilenä bärelgän. Maşina yörtüçelärneñ ikese dä häm ike passajir xatın-qız häläk bulğan. Tağı ike bala häm 3 xatın-qız xastaxanädä.
Axırda – sport yañalıqları. Yäkşämbe kiçendä Qazanda Aq bars xokkey komandası Novosibirskinıñ Seber komandası belän köç alışıp, seberlelärne 2-0 xisabı belän ciñde. Ä Yıraq Afrika dalalarında avtomobil' uzışları däwam itä.
Rimzil Wäli
