Accessibility links

җомга, 9 декабрь 2016, Казан вакыты 14:37

Fälästinnär Mäxmud Abbasnı prezident itep sayladı


Yäkşämbedä fälästin cirlärendä ütkärelgän saylawlarda Yasir Arafatnıñ urınına urtaçıl Mäxmud Abbas prezident itep saylandı.Saylawlarnıñ räsmi näticälärenä qarağanda Arafatnıñ Fatax xäräkäteneñ namzäte Abbas birelgän tawışlarnıñ 62.3% alğan,köndäşe Mustafa Barguti 20% tiräsendä .Abbasnıñ ciñüe 4yıllıq qan tügüdän soñ solıx protsesın canlandırıp cibärü ömedlären tudıra

Yaqın Könçığışnıñ qanlı tarixında bälkim dä bügen yaña säxifä açıldı. Y.Arafatnıñ urınına M.Abbas saylandı. Şulayuq bügen İzraeldä A.Sharonnıñ yaña xökümäte ant itep wazıyfasına başlıy. Leyboristlar partiäse citäkçese Şimon Perez yaña xökümättä premyer urınbasarı. Yäkşämbe kiç Ramallada taraftarları aldında yasağan çığışında M.Abbas (audio) Min bu ciñüne tuğanım-şäxit Yasir Arafat ruxına bağışlıym. Bez anıñ öçen doğa qılırğa tieş. M.Abbas çärşämbe könne ant itep eşenä başlayaçaq.Abu mazen quşamatı belän yöretelgän Abbas saylawlarnı demokratik progress dip bäyäläsä dä, qıyınlıqlar alda tora, niçek itep bez iminlekne tämin itäçäk , niçek itep bez fälästinnärneñ tormış standartın kütäräçäk , Niçek itep bez İzrael törmälärendäge fälästinnärne irekkä çığaraçaq, niçek itep bez başqalası Yärusalem bulğan Fälästin däwlätn oyıştıraçaqbız dip söyläde. Abbas üz çığışında suğışçan fälästinnärgä qarşı köç qullanmayaçağın da äytte. Saylawlarnı qarap barğan yözlärçä çit il küzätüçese arasında AQŞnıñ eleke prezidentı J.Carter de bar ide. Abbas belän oçraşıp añı qotlağannan soñ Carter (audio) Minemçä bu solıx söyläşülären yañartu öçen mömkinçelek bulıp tora häm fälästin xalqı öçen soña qalğan tınıçlıq , iminlek wä ğädellekne torğızu waqtı Abbas birelgän tawışlarnıñ 62%tan artığın alsa da saylawlarğa qatnaşqan fälästinnär 50% bıraz östendä . Xämäs kebek radikal törkemnär saylawlarğa boykot iğlan itsä dä düşämbedä alar Abbas belän xezmätäşlek itäçäklären äytte. Älägä xalıqara cämäğätçelek, AQŞ şulayuq İzrael Abbas belän xezmätäşlek itergä tora. Yäkşämbedä tawış birü tämamlanğançı uq A.Sharonnıñ ölkän yardämçese premyer ciñüçe belän, anıñ kem buluı ber qayçan da şik astında tügel ide , tizlektä oçraşırğa teli dip äytte. Britan premyre T.Blair ozaq waqıttan soñ berençe märtäbä progress mömkinçelege xasıyl buldı dide. Arafatnı izolatsiäläw öçen İzrael atlağan här adımnı yaqlağan prezident Bush yäkşämbe saylawlarına yuğarı bäyä birde . Däwlät sekretarı C.Powell Yaña Fälästin xakimiätenä finans yardäme şulayuq anıñ reformalaw eşendä bulışlıq kürsätergä äzerbez dip söyläde. Powell ayruça 8-10aydan soñ fälästinnär kontrolenä küçäçäk Gaza sektorında iminlekne tämin itäçäk fälästin köçlären künegüdän ütkärüne dä täğdim itte. Yevropa Berlege citäkçeläre fälästin saylawlarınıñ näticäsen xuplap çıqtı. Yevropa Komissisäe citäkçese J.M Barosso Abbasnıñ ciñüe fälästinnär öçen möhim adım dip äytte

Jose Manuel Barosso (audio)

Işanıçlı demokratik Fälästin däwläten oyıştıruğa taba bik möhim adım atlandı. Töbäktäge barlıq taraflar ezlekle solıx buldıru öçen berläşergä tieş.Abbas häm anıñ İzraelle kollegası yaqın kiläçäktä oçraşırğa telilär, bu bik uñay işarä

Ramallahda ciñüçene qotlağannan soñ jurnalistlar belän oçraşqan Yevropa Berlege wäkile J.Solana bolay dide : Solana(audio)

Fälästin xalqı yaña prezidentın sayladı Min aña uñışlar telim.Yevropa Berlege qulınnan kilgän qädäre sezgä här mäsälädä yardäm itäçäk dip ışana alasız. Bügen qotlawlar, täbriklär äytelgän, wäğdälär birelgän kön. İn möhim mäsälä: M.Abbas radikal törkemnärne kontrol itep terrornı tuqtata alaçaqmı? färidä xämit
XS
SM
MD
LG