Accessibility links

дүшәмбе, 5 декабрь 2016, Казан вакыты 13:29

Mäskäw ölkäsendä Tatar tele olimpiadası ütte


9 ğinwar könne Mäskäw ölkäse milli mädäni möxtäriäteneñ mäğärif komitetı tatar tele olimpiadası ütkärde. Mäskäw ölkäsendä tatar klassları äle oyışıp qına baruına qaramastan, mondıy olimpiadalarnı alar öçençe tapqır ütkärä inde. Bıyılğı tuğan tel olimpiadası Qazannıñ meñ yıllığına bağışlanğan ide. Mäskäw ölkäseneñ Şçelkovo , Balaşixa, Puşkina, Dubna häm başqa şähärlärennän kilgän uquçılar olimpiada şartları buyınça, öy eşe itep birelgän yazma eş alıp kilergä, sänğätle uqırğa, mäkällär häm äytemnären belülären kürsätergä,üz isemeneñ mäğnäsen añlatıp birergä , şulay uq, Qazan tarixı turındağı küp törle sorawlarğa cawap birergä tieş idelär. Komissiä qarşında alar barısı da yazıp kilgän öy eşlären tatarça uqıdılar. Temalar küp törle ide. Qayberäwlär üz töbägendä ütkän Saban tuyı, qaysıları mäçet açılu waqiğasın tasvirlagan. Dubna şähärennän Mogtasarov Al'bert Qazan tarixına bağışlanğan yazmasın uqıdı. Ä inde barlıq kürsätkeçläre buyınça da berençe urınğa çıqqan, tatar telendä bik yaxşı söyläşä dä belgän Zagretdinov Nail Böyek Watan suğışında qatnaşqan, bügenge köndä inde dönyada bulmağan Tübän novgorod ölkäseneñ Urazovqa awılında yäşägän babası xaqındağı yazmasın uqıp alqışlarğa iä buldı. Qazanğa, Qazan universitetına, Qazannan çıqqan kürenekle şäxeslär turındağı qatlawlı sorawlarğa da qıyu cawap birde olimpiadada qatnaşuçılar . Olimpiada näticäse itep alarğa maqtaw gramotaları häm büläklär tapşırıldı. Bu olimpiada Mäskäwneñ tatar mädäni üzägendä ütte. Ul köngä inde çırşı bäyräme aldan planlaştırılmağan bulsa da, milli üzäk xezmätkärläre Qış babay, Qar qızın da çaqırıp, Mäskäw ölkäse tatar tele olimpiadasında qatnaşuçılar öçen maxsus räweştä tağı ber märtäbä çırşı bäyräme ütkärdelär. Bu Qazannıñ meñ yıllığına bağışlanğan tuğan tel olimpiadasın töp oyıştıruçısı mäskäw ölkäse milli mädäni möxtäriäteneñ mäğärif komitetı citäkçese Ramilä Kamayıva, tatar telen üzläşterüdä bu olimpiadalarnıñ ähämiäte äti änilär öçen dä zur fayda dip belderde. Bezneñ uquçılar bıyıl Qazan şähärendä ekskursiädä buldılar. Şuña kürä Qazan tarixın bik tırışıp öyrändelär, dide ul. Ä inde Puşkina şähäreneñ Wazifa oyışması wäkile Saniä Xäsänova da Tuğan tel olimpiadasın oyıştıruçılarğa da anda qatnaşuçı balalarğa da zur räxmäten belderde.. Näzifä Kärimova azatlıq radiosı mäskäw.

XS
SM
MD
LG