Accessibility links

якшәмбе, 11 декабрь 2016, Казан вакыты 05:16

Mäskäw ölkäsendä tatar başqort yegetlärendä qunaqta


Mäskäw ölkäseneñ Sofrino ber dip atalğan yabıq xärbi şähär üzeneñ 16 yıllığın bilgelägän bäyrämgä Mäskäw ölkäse milli mädäni möxtäriäte wäkillären dä çaqırğan. Berençedän biredä tatar balaları da xezmät itä ikän, ikençedän, bu xärbi bülek üzendä xezmät itüçelärneñ millätenä qarap, bäyrämnärgä milli wäkilleklärdän dä keşelär çaqırtunı ğädätkä kertkän. Min şul xärbi bülektä 26 tatar başqort yegetläre belän oçraşıp, alarğa yaña yıl büläkläre tapşırğan, pärämäçlär peşerep alıp barğan Puşkino şähärennän Xämdiä Ramaeva belän oçraşıp söyläştem. Bez rizıqlar ğına tügel artistlar da alıp bardıq dide Xämdiä xanım. Ul xärbi bülekneñ komandirı bezne çaqırğanda möselman din ähelen alıp kilüne dä ütengän ide. Çın mullanı taba almasam da, qäberleklär östendä eşläwçe üzebezneñ dinne yaxşı belgän Ğayar abıy bezneñ belän bardı. Soldatlarğa islam din turında mäglümätlär birde dide Xämdiä xanım. Oçraşuda söyläşülär bik qızıqlı bulğan. Mäsälän Xämdiä xanım, rus armiäse rus soldatları dip söylägän generallarğa, nigä urıs qına dip äytäsez. Sezneñ yanda başqa millät babalı da bar bit dip, generallarnı uyğa qaldırğan. Tağı ber qızıqlı närsä. Bu xärbi bülektän Çeçnyağa baruçı tatar başqort soldatlarına Qor’än kitabın xristian din ähele Feofan tarata ikän. Bu xaqta Xämdiä Ramaeva belän bulğan äñgämädän işetersez. Näzifä Kärimova”Azatlıq “ radiosı, Mäskäw

XS
SM
MD
LG