Accessibility links

Кайнар хәбәр

Blağoweçen waqığaların tikşerü däwam itä


6nçı ğinwar respublikağa Rusiä Eçke eşlär ministrlığınıñ oyıştıru-inspeksiä departamentı başı generäl-mayor Gennadiy Blinov citäkçelegendä törkem kilgän ide. Alar respublikanıñ militsiä başlıqları belän berlektä Blağoweşçen şähäreneñ mädäniät sarayında xalıq belän oçraşu ütkärde.Blinov oçraşuda ğäiplelär tabılsa, alarnıñ qanun buyınça cawap biräçäklären ışandırdı.Başqortstan eçke eşlär ministrı Rafael Diwaev isä , Blağoweşçennı respubliktağı iñ kriminäl şähär dip atap , militsiä başbaştaqlığın ğädi ber tärtip urnaştıru çarası itep sürätläde. Respublika Eçke eşlär ministrlığı qarşında cämägätçelek şurası oyıştırılaçaq.Ministr älege mäsälägä qağılışlı doqumentlarnı imzalağan.Bu oyışma militsiäneñ keşe xoquqları mäsäläsendäge eşçänlegen tikşeräçäk.Aña baş itep ministr urınbasarı Fätxlislam Toqımbayıv bilgelängän.Urınbasarı — bilgele xoquq yaqlawçı , cirle parlament deputatı Edward Murzin.Yaña oyışqan şura berençe utırışın Blağoweşçen xällärenä berniqädär açıqlıq kergäç uzdıraçaq.

Mönir Wafin, Ufa
XS
SM
MD
LG