Accessibility links

Кайнар хәбәр

Prokuratura tikşerüçese Ayrat Säydäşev: üzbäklärne taqırbaşlar ütermägän


Üterelgän Üzbäkstan watandaşları turında mäğlümatnı «İnterfax» agentlığı böten dönyağa taratsa da, Qazandağı oyışmalardan bu eş turında mäğlümat tabu bik awır buldı. Üzbäk milli cämğiäte başlığı söyläşüdän baş tarttı. 10-15 telefonnan şaltıratıp bu eşne alıp baruçı tikşerüçene tabıp buldı. Ul da açılıp söylärä telämäde.

Xäbärlärdä äytelgänçä, Qazanda Yamaşev uramı 54 yortta urnaşqan, «Üzbäk aşları» kafesında 2 mäyet tabıla. Bu, kafeda peşerüçe bulıp eşlägän, 20 yäşlek Aybäk häm 38 yäşlek Tulkincan gäwdäläre bula.

( Bu keşelärneñ tulı isemnäre xäbär itelmi). Üzbäk peşerüçelärneñ başlarına suqqannar häm kükräklärenä pıçaq belän qadağannar. Üle gäwdälärne 7 ğinwar irtäsendä tabalar. Şul uq könne, cinayät eşe açıla häm tikşerü eşlären Qazannıñ Yaña Sawin rayon prokuraturası belgeçläre başlıy. Berençe waqıt bu eş belän tikşerüçe Ayrat Säydäşev şöğellängän. «Azatlıq» xäbärçese annan mäğlümat alırğa tırıştı, ämma tikşerüçe äfände küp sorawlarnı cawapsız qaldırdı. Ul, üterü - taqır başlı skinxedlar eşe tügellegenä 90% ışanıç belderä alam, dide. Milli mäs’älä arqasında awır cinayätlär qılınğanın da xäterlämi Ayrat äfände.

Şuña Üzbäkstan watandaşlarına bu mäs’älädä qurqası yuq, di ul. Tikşerüçe Ayrat Säydäşev tağın «Üzbäk aşları» kafesıñ xäzerge yabıluın xäbär itte. Ülgän keşelärne tuğannarı cirli, ul kafeda zur üzbäk ğailäse eşlägän bulğan. «Üzbäk aşları» kafesı qayçan açılaçaq äle bilgele tügel. Älege eş ayıruça awır cinayätlär retändä, dip sanala. 10 ğinwarda anı rayon prokuraturasınnan respublikanıqına küçergännär. Üzbäk peşerüçelärneñ üterüçelären açıqlaw eşe belän awır cinayätlär bülege şöğellänäçäk xäzer.

Bikä Timerova.

XS
SM
MD
LG