Qazanğa bağışlanıp icat itelgän cırlar küp. Sez äle işetkän cır 1999 yılda uzdırılğan bäygedä Rezeda Äxiärova belän Razil Wäliev icat itkän “Bergä uzıyq Qazan uramın” isemle cır, bäygedä ciñep çıqqan cır ide. Çirattağı Qazan turında iñ yaxşı cır bäygese 2004 yılnıñ 14 yünendä Qazan şähäre xakime Kamil İsxakov qararı belän iğlan itelgän ide. Dekaberneñ soñğı könnärendä bu bäygeneñ näticäsen çığarırğa jüri bilgelänep, alar 109 cırnı tıñladılar. Ämma “Qazan turında iñ yaxşı cır” dip jüri älegä näticä çığarmadı. Häm monıñ säbäpläre dä bar. Jüri räise Tatarstannıñ häm Rusiäneñ atqazanğan sänğät eşleklese, kompozitor Rezeda Äxiärova bu turıda menä närsälär dide:
“Qazanğa bağışlanğan cırlar törle janrlarda ide: gimn, mönäcät, bäyet, rep janrlarında yazılğan cırlar tıñladıq. Rusça da, tatarça da, olılar öçen dä, balalar öçen dä cırlar täqdim itelgän ide. Berniçä iñ yaxşı cırnı saylap aldıq. Ämma berençe urınnı birä almadıq. Häm bäygegä cırlarnı täğäyenlängän könnän soñ da haman cibärüläre säbäple, jüri äğzaları berdäm bulıp bäygene aprilgä qädär ozaytırğa buldıq.”
Jüri räise kompozitor Rezeda Äxiärova äytüençä, şuşı 109 cır arasında jüri küpmeder cırlarnı saylap alğan, ämma alar arasında berençe urınğa layıq cırlar tapmağannar. Şulay uq bu bäygeneñ nigeznamäsenä östämä dä kertelgän. Aña “Balalar öçen Qazan turında iñ yaxşı cır” nı bilgeläw säbäple bu bäyge 2005 yılnıñ 1 aprilenä qädär ozaytılğan. Ä bäygegä qatnaşırğa teläwçelärgä xatlarnı Qazan şähäreneñ mädäniät idaräsenä: 420111 Kreml uramı, 9 yort 10 bülmägä cibärergä bula. Elektron adresları: kultura@telebit.ru
Mälikä Basıyr, Qazan
“Qazanğa bağışlanğan cırlar törle janrlarda ide: gimn, mönäcät, bäyet, rep janrlarında yazılğan cırlar tıñladıq. Rusça da, tatarça da, olılar öçen dä, balalar öçen dä cırlar täqdim itelgän ide. Berniçä iñ yaxşı cırnı saylap aldıq. Ämma berençe urınnı birä almadıq. Häm bäygegä cırlarnı täğäyenlängän könnän soñ da haman cibärüläre säbäple, jüri äğzaları berdäm bulıp bäygene aprilgä qädär ozaytırğa buldıq.”
Jüri räise kompozitor Rezeda Äxiärova äytüençä, şuşı 109 cır arasında jüri küpmeder cırlarnı saylap alğan, ämma alar arasında berençe urınğa layıq cırlar tapmağannar. Şulay uq bu bäygeneñ nigeznamäsenä östämä dä kertelgän. Aña “Balalar öçen Qazan turında iñ yaxşı cır” nı bilgeläw säbäple bu bäyge 2005 yılnıñ 1 aprilenä qädär ozaytılğan. Ä bäygegä qatnaşırğa teläwçelärgä xatlarnı Qazan şähäreneñ mädäniät idaräsenä: 420111 Kreml uramı, 9 yort 10 bülmägä cibärergä bula. Elektron adresları: kultura@telebit.ru
Mälikä Basıyr, Qazan
