Accessibility links

пәнҗешәмбе, 8 декабрь 2016, Казан вакыты 21:08

AQŞ şirkäte Hulliburtonnıñ İranda käsepkä qatnaşuı - kiñräk diplomatik tırışlıqnıñ ber öleşeme?


AQŞ şirkäte Halliburtonnıñ İrandağı neft proyektlarına qatnaşuı bälkim dä Tehrannın bar dip şiklänelgän atom qoralları programmasınnan wazkiçerü tırışlığınıñ ber öleşe bula ala.Bu Halliburton häm İran şirkätläre qatnaşqan yaña häm qapma qarşılıqlı eşkä qarata analitiklarnıñ fikre. Ğomumän alğanda AQŞ qanunı amerikan şirkätlärenä İranda eşçänlek alıp barunı tıysa da, mäsälä möhim diplomatik mäqsatqa xezmät itsä , qanunda çığarmalar bar. Säxnä artında barğan eşlär turında analitiklar närsä äytä.

Oriental Kish häm Pars Oil and gas isemle İran şirkätläre belän Halliburtonnıñ Amerikadan çittä urnaşqan bülendege dä qatnaşqan kileşü turında älä ni mäğlümät yuqü Halliburtonnıñ süzçese Wendy Hall düşämbedä şirkätne bu eştän çitläşterergä tırışıp , töp kontraktnı Halliburton tügel ä Oriental tözede dip äytkän. Küräsen Halliburton qayber xezmätlärne genä tämin itäçäk. Bu AQŞ qanunına ällä ni qarşı tügel. Bilgele bulğança terrornı yaqlawda ğäyeplänüçe İran belän eş itkän şirkätlärgä qarata Amerikanıñ qanun qağıydäläre bik qırıs. Ämma şirkätlär bülendekläre aşa eşne alıp barsa häm esas şirkät qatnaştırılmasa problema yuq. Analitiklar qaraşınça, kileşü bälkim dä käsep kenä tügel ä İrannı eşläp çığaraçaq dip uylanılğan atom qoralları programmasınnan wazkiçerü öçen kiñräk diplomatik tırışlıqnıñ ber öleşe AQŞta urnaşqqan George Waşington Universitetında xoquq profesorı Sean Murphy Radiobızğa birgän ängämädä AQŞ qanunnarı bilgele qayber illärdä eşçänlek alıp barunı tıysa da diplomatik mäqsatlar küzdä totılsa çığarmalar yasala dide

Sean Murphy (audio)

Çikläwlär kertelsä, aktivlıqlar da tıyıla Ämma kiräkkändä başqarma xakimiätenä milli iminlek nigezendä çığarmalar kertü mömkinçelegen biräsen.Ägär dä süz tämin iteläçäk nindider tör yardäm yäki qamçı pränik säyäsäte turında bara ikän monıñ faydası bar Bu xaqta räsmi raslaw yuq,Bülendek şirkät Waşington belän Tehran arasında eşne alıp bara ala. Murphy süzlärenä däwam itep tağı bolay dide

(audio) Monda här xäldä atom mäsäläse belän bäyläneşle nindider aktivlıq bara. Yevropalılar İran belän belän ul turıda şunduq söyläşülär alıp bardı. Ğomumän alğanda AQŞ doşmannnarça mönäsäbät kürsätep känfet urınına qamçısın ğına bolğadı.Minemçä yabıq işeklär artında yevropalılar, AQŞ häm İranlılar qatnaşqan nindider söyläşülär bara torğandır.

Halliburtonnıñ proyektqa qatnaşu buluın iqrar itergä telämäwe añlaşıla . Şirkät ütkändä İran belän säwdä itkäne öçen tänqitlände. Annan başqa Nigeriädä rişwätçelekkä qatnaşqanmı ,Ğıraqta AQŞ xärbilärenä yuğarı bäyägä mal satqanmı kebek mäsälälär säbäple Halliburton östennän tikşerü bara . Vitse prezident D.Cheney 1999nçe yılğa yäğni G.Bush belän saylaw aldı kampaniäse başlağançıgä qädär, Halliburtonda yuğarı postta torğanı öçen şirkät ayruça höcümgä duçar bula. Qayberäwlär şirkät mondıy problemalar säbäple AQŞ säyäsäte öçen ber dä yaxşı saylaw tügel digän fikerdä. AQŞ Tışqı Mönäsbätlär Şurasında Yaqın Könçığış Forumı häm Energie Törkemeneñ direktorı Judith Kipper Halliburtonnıñ xatalarına , Cheneyneñ şirkät belän eleke mönäsäbätlärenä işarä itep monda sonğı çiktä kem fayda küräçäk digän soraw tua di. Kipper Qıtay belän AQŞnıñ 30yıl elek üzläreneñ östäl tenisı komandalarına berençe märtäbä yarışırğa röxsät birülären iskä töşerä.Şuşı adım tarixqa ping-pong diplomatiäse dip kerde. Kipper süzlärenä bolay dip däwam itte.

(audio)

Min Halliburton ideasın ber dä yaratmim.Ägär dä Bush administratsiäse ping-pong diplomatiäsenä kereşä ikän min anı yaqlıym,çönki bez İran belän eş itergä tieş .Ämma diplomatik elemtä öçen qullanılğan şirkätneñ monnan tabış kürüenä qarata minem küpkenä sorawlarım bulır ide.Bu fayda tügel ä zarar ğına kiteräçäk, AQŞ tänqitlänäçäk.

İranda qayberäwlär kileşüne, AQŞ säyäsäten tänqitläw öçen qullana başladı. Hämşähri basması bu käsep AQŞ şirkätläreneñ üz qanunnarına xörmät itmäwen häm AQŞ çikläwläreneñ täsirsez buluın kürsätä dip yazıp çıqtı. färidä xämit
XS
SM
MD
LG