Accessibility links

якшәмбе, 4 декабрь 2016, Казан вакыты 13:19

Guantanamodağı soñğı 4 britan aldağı atnalarda Britaniägä qaytarıla


Britaniä tışqı eşlär ministrı Jack Straw Quşma Ştatlar terrorçılıqta şiklänelep Guantanamo törmäsendä totılğan soñğı 4 britannı aldağı atnalarda irekkä çığarırğa kileşte dide. Straw Britaniä parlamentına bu keşelärgä Britaniädäge terrorçılıqqa qarşı qanunnar nigezendä ğäyepläwlär belderelergä mömkin dide. 1146

AUDİO: Bu 4 keşe aldağı berniçä atna eçendä qaytarılaçaq. Alar Britaniägä qaytqannan soñ politsiä Britan qanunı nigezendä alarnı qulğa alıp terrorçılıq ğämällärenä qatnaşu mömkinleklärenä bäyle soraw alu ütkärergä mömkin.

Britaniä alarnı qaytaru öçen aylar buyı tırışlıq alıp bardı. Guantanamodağı başqa 5 britan uzğan yılnıñ mart ayında qaytarıldı. Londonda politsiä alardan soraw alğannan soñ ğäyepläwlärsez irekkä çığardı. Awstraliä xökümäte äl-Qaidägä yardäm itüdä şiklänelep Guantanamoda totılğan 2 awstraliäleneñ bersenä ğäyepläw belderelmäyäçäk häm ul tizdän öyenä qaytaraçaq dide. Quşma Ştatlar 2001-neñ 11-nçe sintäberendäge terror höcümnärennän soñ terrorçılıqqa qarşı suğış başlap yözlärçä şiklänelgän keşene Kubadağı Guantanamo törmäsenä yaptı.

XS
SM
MD
LG