Fälestin xakimiätläre äytüençä, İzrail' premyer ministrı Ariel Şaron Mäxmüt Abbasnı telefon aşa Fälestin İdaräse prezidentı itep saylanuı uñayınnan täbriklägän.
Elegräk Şaron Abbas belän berençe oçraşuın iminlek mäs'älälärenä bağışlarğa teläwen beldergän ide.
Bügen Gazadağı Yähüd utarlarına häm İzrail' çigendäge Sderot şähärenä raketa häm minaatqıç höcümnäre buldı. Fälestin suğışçıları ut açqan dip uylanıla. Yaralanuçılar, ülüçelär yuq.
Bu höcüm öçen cawaplılıqnı älegä beräw dä üz östenä almadı. Küp kenä suğışçılar saylawlar İzrail'gä höcümnärne tuqtatmayaçaq dip saylawlarğa boykot iğlan itkän ide.
