Ğiraqnıñ küçeş çorı premyer ministrı İyad Älläwi 30-nçı ğinwar könne Ğiraqnıñ qayber öleşlärendä saylawlarda qatnaşu bik qurqınıç bulırğa mömkin dide. "Älbättä, bu saylawlarda qantaşa almawçı qayber urınnar bulaçaq... ämma bez alar küp bulmas dip uylıybız" dide Älläwi.
Älläwi şulay uq xökümät il buylap iminlekne nığıtu, xärbilär sanın arttıru häm yaxşıraq cihazlar alu öçen 2 milliard 200 million dollar totaçaq dide.
Ğiraqtağı AQŞ xärbiläre äytüençä, Tikrit şähärendä politsiä idaräse yanında maşinağa quyılğan bomba şartlaw näticäsendä 6 politsiä xezmätkäre hälak bulğan.
Xakimiätlär äytüençä, bügen Bağdadtan könyaqta ğisyançılar mikroaftobusqa höcüm itep kimendä 7 keşene ütergän. Yaqındağı xastaxanä mödire äytüençä, älege höcüm qorbannarı ğiraqlılar.
