Accessibility links

Кайнар хәбәр

Ukraina Ğiraqtan ğaskärlären çığara


Amerikan xärbi köçläre, uzğan atnada Bağdad gubernatorı Ali al-Haidri'nı üterügä qatnaşı buluda şiklänelgän 6 keşe qulğa alındı, dip xäbär itte. Mosul şähärendä amerikan häm ğiraq köçlärenä yasalğan höcüm waqıtında Ğiraq Milli Gvardiäneñ 3 xärbie hälak bulğan, 6sı yaralanğan. Ğiraqnıñ waqıtlı eçke eşlär ministrı Hoşyar Zebari, Misırnıñ Al-Ahram gazetına birgän äñgämäsendä, ilneñ qayber öleşläre iminlek bulmawı säbäple saylawlarğa äzer tügel äle, dip beldergän. Anıñ süzlärençä, saylawlar aldan bilgelängänçä, 30 ğinwar könne ütäçäk, ämma telägän kebek bulmayaq. Zebari, saylawlar Ğiraqnıñ 18 provinsiäneñ 14dä ütäçäk, dide. Çexiä saqlanu ministrı xökümätne Ğiraqtağı Çexiä ğaskärläreneñ möddäten yıl azağına qadär ozaytırğa röxsät birüne soradı. 90ğa yaqın Çexiäneñ xärbi polisiäse xezmätkäre Basra şähäre yanında britan ğaskärläre belän bergä ğiraqlılarnı öyrätü eşenä cälep itelgän. Alarnıñ möddäte 28nçe fivraldä tämamlana. Başqa xäbärlärgä qarağanda, yäkşämbe könne şartlawda hälak bulğan 8 ukrain häm ber qazaxstan xärbieneñ mäyetläre bügen Ğiraqtan Kievqa kiterelde. Bügen Ukraina parlamentı, prezidentnıñ Ğiraqtan Ukraina ğaskärlären çığaru turındağı täqdimen xupladı.
XS
SM
MD
LG